Bugagia Bidibo Kolesagade Po Asęai Buku 5:17-23

¹⁷Te naga wai dabe te we dabego hani dali bididali weyu da, te nago gasa subigila we dabe dali penani ebo sę te igio.

¹⁸Godigo te nago webolo te wiegi yai sę bugagia emainao. Te nage gesi bidi bidiyu dali we te nago ulu wę tiwai da, tama nago agade wiegi yai pemene yao.

¹⁹Te gasa sawi yai mu ebao, tama agai kolesaga te wiegi yai mu da. Agai te nage wei mu ebao, tama sesemane sogo nago agaba homu kone palama, tama aga wei mu yao. Tama nago sesemane sogo te agai ame side wiegi yai pemene yao.

²⁰Ogwao, nago te gasa bidigo weba homu kone eyu, tama nago te agai amede homu palamuo.

²¹Magi baso meni. Genuai Bidigo te dago ebo sę tigidali te sulama, tama agai te dago ebo kolesaga tigidali te bugagia osola subo dao.

²²Te dwai bidi aga sęgęgo digi te aga te wago kalabus elama, te bonogo kęąlubo tiwai ebao.

²³Te tobage tiwai bidigo te aga homugo digi ebo kolesaga te aiyaba me elalugobeo. Menio. Agai te wabo pabo bidigo ebo kolesaga tiwai eyu, tama te kolesagago aga ela mubo dao.