Bugagia Bidibo Kolesagade Po Asęai Buku 5:10-18

¹⁰Tama nago te sainogo sę dene yali wiegi yai nai dabe te gasa bidi dabego nogoba pelama saibao.

¹¹Te gasigo nage selama, tama nage te nomona saibao. Tama te nage isainu ebo sogo, te nage betde pila mudu te dwai gela mu udaibao.

¹²Tama nago te tama po waibao, “Eno te augwaligo enabolo mobo mabo po wabode hagela homu yali. Magi baso eno te hagoma eyu, tama ena te bidi dabego dodolomainu ebedawe?

¹³Eno te ena tisa dabego po wali me pabeo. Te mobo mani bagego po te eno odobeo.

¹⁴Megi da, ena te mu tama dolama, tama ena te tigidali we bidigo gedude dwai mu yalio.” Nago te po waibao.

¹⁵Nage te gasa bidigo ulu węba tugi pigio. Nage te naga we dali bugagia bidao, tama aga deli dali naga piao, te bidigo wę te aga ulu węde digi naga te wę tubo tiwai gilama yao.

¹⁶Te nago subigila we dabede penani sę elama wai ame nobaso da, teda te wai dabego nage te nosali badu me tau sogobeo. Tama tiyu, te naga wego naga te naga wai dabe naga mu ame nomainao.

¹⁷Te naga wai dabe te we dabego hani dali bididali weyu da, te nago gasa subigila we dabe dali penani ebo sę te igio.

¹⁸Godigo te nago webolo te wiegi yai sę bugagia emainao. Te nage gesi bidi bidiyu dali we te nago ulu wę tiwai da, tama nago agade wiegi yai pemene yao.