Bugagia Bidibo Kolesagade Po Asęai Buku 20:21-25

²¹Te bidigo te aga aya de ida si bidibadi digi te augwaligo doado bage asesa sainu ebaso da, teda te doado bage bugagia me elalugobeo.

²²Nago homugo te gasa bidigo nageba ebo dwai sę wei ponabo homu me igio. Menio. Nago te Genuai Bidi tonaluyu da, te agai nage tau saibao, tama agai nago te sęgę silaibao.

²³Te bidigo te we bidi dabego te doado bage abelainu ebaso, te agai dagalubo sogo te we bidi tibo po ola mayu, te nai te dwai skelgo usu sobaso da, teda Genuai Bidigo te kolesaga wei mu me isąyu, sębę me yaibao.

²⁴Genuai Bidigo te da tǫde bidibo sogo te dago sunumi tigidali te dąį ilali. Magi elama tama dago te sunumi dabe te menaba pabo sunumi elaluba wagowe?

²⁵Nago bugagia homu kone bolo palama, tama nago te Genuai Bidiba ofa maiabo po dąų walao. Tiyu, nago asesa subigila po dąų walai madi tama nosali nago te dąų walali pode homu hauwa dogia pabuo. Te nago te tiwai ebaso da, teda naga digi naga dolaibao.