Aposolo Jaŋere Binaŋ 18:10-15

¹⁰No sabecguhape ŋic jaŋe wiac kosa mi egareniŋmu. Hae ʒira nore ŋicfâc guru sâko juŋgopieŋ.”

¹¹Iŋuc muhuc âzâcneme Paulo e hae irec ŋic Anuture dâŋ jaza qazuc ehuc juhame mosa 18 wahawec.

¹²Eme Galioŋ e Akaia mâreŋko kia sâko erâ juhame Judaŋic jaŋe ʒâʒâfic erâ Paulo râsi ecnehuc kiarao barambiŋ.

¹³Bararâ ʒiŋuc muhuc qorickembiŋ: “Ŋic kecʒi e sâcmutâc dâŋnâŋec qâsuarâ hata furume moc âtehuc Anutu sâseniŋte ŋic qafeŋ‐jopaekac.”

¹⁴Eme Paulo e dâŋ ŋifecne muzo ehame Galioŋzi Judaŋic ʒiŋuc jazawec: “O Judaŋic, ŋic e kiŋbahac wiac ŋemâcne bâfuame muzac dâŋŋeŋic manazapo.

¹⁵Ŋoŋe ine ŋaŋacne mu qaqazuc dâŋ â ŋicʒâŋe wiac â sâcmutâc dâŋ irec dâŋgie râcneŋgopieŋte ŋaŋac mutaranʒepieŋ, i nore gie mâcne.”