2Judaŋic gâcne jaŋe ine miti qikiŋnehuc hae irec ŋic suruc‐jopapie Kristoŋic aaric mana‐jarembiŋ.
3Eme jahe sifu mosa dameŋ gâcne hae ira juhuctecne Wofuŋtao roweckerâ miti‐ticne hâwicmâc muhuc jupic. Ehapire Wofuŋzi akicdâŋ‐ticnere fuŋne bataniŋkehuc neŋgoc ŋesiŋ ŋejactehame mâsi fuŋne fuŋne bapic.
4Eme hae irec ŋic jaŋe fâuckehuc tucne Judaŋic jaŋerao qohotambiŋ â tucne jaŋe aposolo jaherao qohotambiŋ.
5Izi ʒâhecko ŋic qâpuc â Judaŋic gâcne jaŋe aposolo qânâzi he imac ejacteniŋte roroc epie
6manarâ wiserâ Likaonia mâreŋko rapic. Erâ ira Listera â Derebe â hae gâcnao
7Biŋebiaŋ murahuc jupic.
8Eme Listera haeo ira ŋic moc ŋewec, e kike jahec‐ticne ɋaŋakicne. E neŋgoc bumaŋko iŋucne fuarâ hata juju tâmiric mâc ŋejujec.
Aposolo Jaŋere Binaŋ 14
Aposolo Jaŋere Binaŋ 14:2-8