39Mosere sâcmutâc dâŋzi kiŋŋeŋic guriŋkeocte eipiewec, Jesurao siŋkepie ine sâcne bârârie‐ŋareocmu.
40Porofete jaŋerao dâŋ ʒiŋuc fokac i ŋoŋerao sanaŋkezacte uŋ ŋazakopac:
41‘Oi, miti qiqikiŋ, ŋoŋe wareckerâ omaenʒepieŋ; no ŋoŋerao gie fuŋmoc bapemu; biŋene manarâ manapie mi bapane eocmu.’”
42Eme Paulo â Banaba jahe mitifickonec wahapire ŋic jaŋe sabata hombaŋ mocko dâŋ irecteaŋ jazanicte mumbiŋ.
43Eme tutumaŋkonec waharâ Judaŋic bocjaha â qâpuc Judaŋic jaŋere bâjâpecne gâcne jaŋe mâmâc Paulo â Banaba bâjâpec‐jofahapie Anuture jauŋko aimuŋ juniŋte mu sawaŋ ejarepic.
44Eme sabata hombâŋ‐jeŋic mocwâc maickeme hae irec ŋic Anuture dâŋ mananiŋte mâretec fisimbiŋ.