Anutu Ikamke Zin Israel 20:3-5

³Nio ituŋ tamen ta Anutu ku. Mbeeze pa koroŋ toro sa pepe.

⁴“Mi sap koroŋ sa kunuunu mi ur ma iwe merere pu pepe. Tana koroŋ boozomen ta timbot saamba, toono, mi tai na, urpe sa kunuunu mi suŋ pa pepe.

⁵“Mi lek kumbum mi mbeeze pa koroŋ sa ta kembei pepe. Pa nio Yooba ta Anutu ku. Mi motoŋ mburmburŋoŋ. Wal ta so tiur koi pio, inako motoŋ iŋgalŋgal sanaana kizin, mi aŋur ka kadoono ise kizin, lutun bizin, tumbun bizin, mi len saaza bizin. Tamen zin wal tau lelen pio mi titoto tutu tio, inako aŋurur leleŋ pizin mi popoŋana kizin, mi aŋmuŋaiŋai zin, mi iseeŋge iseeŋge ma ila.