Acts 11:4-15

⁴Ba Peter awaika ereonowana i tupuwa wai i mamatarisi,

⁵i wona, “Kao kesana Joppa meyagina kamonai, a rupari ba aba kinakinana a kitai. Ba sawara kesana a kinani sowo kaikapona rutainina naoku ai sapamai i gakira.

⁶Ba sowona ku kamonai i kinana wai aba payapayaya kaekaesi asi bata, manamisi ba bikokonisi, ba tanoai tebo tete ba manu a kinanisi.

⁷Ba gamo a nonori i wona, ‘Peter, ke bomsiri ki kasibunuwana ba kuna kam.’

⁸Saba a kaobeyei, ‘Kega Bada, yauku kega meyana awaika Jew biyikai ama dudura e wonawona pudapudana wai ana kani.’

⁹Saba gamo sapamai i wona mena, ‘Kega God sawara i wosei gairena wai kuna wona goyona.’

¹⁰Nikona i tupuwa mara tonu ba murinai wai si taina geyei ku sapama.

¹¹Kona sebasebare asi tonu Caesareai si poraisi wai si verakasibau memena a mamana wai ku yovena.

¹²Ba Kanuma Kaobaisiyena i woniku kata yabata kata nae, ba kega nuwanuwaku ita kairagaraga kata kosi wai Gentile biyisi. Kata bigeruwana biyisi asi 6 yabata ka nae sebare kotoi ama wara i porai wai ana ku yove.

¹³Ba i wonikai mekabage kona aneya i rerematara kurina, ba i wona, ‘Wasaga ki poraisi ku Joppa, Simon Peter sina nuweni.

¹⁴Ba ina wonim kata mekabage kom ba am rakaraka koi ereonowami kona yawasa.’

¹⁵Ba a dagui ati sisiya saba, Kanuma Kaobaisiyena mekabage dagudagunai i gakira kurikai wai nanakasike i gakira kurisi.