ДЗЕІ 11:4-15

⁴А Пётр пачаў ім пераказваць па парадку, кажучы:

⁵у горадзе Ёпіі я маліўся і ў жарсьці бачыў уяву: сыходзіў нейкі посуд, нібы вялікае палатно, за чатыры рагі апусканае зь неба, і спусьцілася да мяне;

⁶я паглядзеў у яго і, разглядваючы, убачыў чатырногаў зямных, зьвяроў, плазуноў і птушак нябесных.

⁷І пачуў я голас, які сказаў мне: устань, Пётр, закалі і еж.

⁸А я сказаў: не, Госпадзе, нішто паганае альбо нячыстае ніколі не ўваходзіла ў вусны мае.

⁹І адказваў мне голас другі раз зь неба: што Бог ачысьціў, таго ты не ўважай за нячыстае.

¹⁰Гэта было тройчы; і зноў узьнялося ўсё на неба.

¹¹І вось, у тую ж самую часіну трох чалавек, пасланых з Кесарыі да мяне, спыніліся перад домам, дзе быў я.

¹²Дух сказаў мне, каб я ішоў зь імі, зусім не сумняваючыся; пайшлі са мною і гэтыя шэсьць братоў, і мы прыйшлі ў дом таго чалавека.

¹³Ён расказаў нам, як ён бачыў у доме сваім анёла (сьвятога), які стаў і сказаў яму: пашлі ў Ёпію людзей і пакліч Сымона, якога завуць Пятром;

¹⁴ён скажа табе словы, якімі ўратуешся ты і ўвесь дом твой.

¹⁵А калі я пачаў прамаўляць, зыйшоў на іх Дух Сьвяты, як і на нас спачатку.