A Umana Kakailai 6:3-10

³Damana ra balagu i purpuruan; Ma u Luluai, aivia ra bung boko?

⁴Una lilikun, Luluai, una valangalanga iau, Una valaun iau ta kaum varmari.

⁵Tago ba di mat pa di nuk pa mule u, Ma ta ra ruarua na tulungen ia na pite pa mule u?

⁶Iau tar talanguan ma kaugu oir; A lavur marum i polo ko kaugu vava; Iau pukpuk kaugu molamolo ma ra lur na matagu.

⁷A kiau na matagu i gavul ta ra tinangi, I rovo ure kaugu lavur ebar.

⁸Avat a vana kan iau, avat ra lavur tena varpiam par, Tago ra Luluai i tar valongore kaugu tinangi.

⁹Ra Luluai i tar valongore kaugu nilul vovo; Ra Luluai na alube pa kaugu niaring.

¹⁰Kaugu lavur ebar par diat a vavirvir, ma diat a purpuruan na kaia, diat a lilikun, ma da varuva vakaian diat.