SAM 6:3-10

³Natane musipmaatangu meya buyambam siknga. Siwan ngana Buyambam tapa, ga dasing? Tapduu datdasing nandutewi musipmaatang meya buyak yuwit?

⁴Buyambam tapa, gata gatuka na tapi na dua kupit. Gata nae musip kwikwiu asinggan asinggan natangamuke gatangami nata take yuwit.

⁵Aminu gwa kumbingga gae musiaatangu natdetnanga dua. Akungwake paku keu yuaing komunetanu gae umanda kopsa akngae dua yatangenakaing.

⁶Nata gae yake yake yuwawa natane kekekngana wena singgak. Siwan zikaambamu asinggan kumzang kwanamu siwawa apekgat komu kai yangganata tasiwan bukatanggak. Ngan, natane buka gwena yanggakan singgak.

⁷Natane iwana kwaapzang siknga. Unzingge na musipmaatang meya siknga natake kwanamu sike sike yuat. Kwanama siwa kainata zukngawan nata sanga tapatu katak kananga dua singgak.

⁸Nata Buyambam tapae sitawamba gwa natangamuk. Ge ginu sanga waiaknga tasikaing aminu, napmake kukanong.

⁹Nata Buyambam tapae yatawamba ita na gatangamikge gwa natangamuk. Ngan, ita tumuk wama gwa natak.

¹⁰Natane iwanata meya buyak yuke nangaakan natapning ngangu nata atnataat. Nangaakan natake maaknga siknga natapning. Maaknga natake zeetgaman na napmake kuke datdaptake sukuning.