Y Salmo Sija 6:3-10

³Ya y antijo esta senchatsaga: Ya jago, O Jeova, asta ngaean?

⁴Nanalo, O Jeova, nalibre y antijo: satbayo pot causa y minaasemo.

⁵Sa y finatae nae taya jinaso guiya jago: ya y naftan nae jaye numannae jao grasias?

⁶Yayasyo nu y todo y siningonjo: todo y puenge junamamaya y camajo ni lagojo: junafotgon y catreco nu y lagojo.

⁷Y atadogjo esta magasta nu y pinite: ninafanbijo pot todo ayo y munachachatsaga yo.

⁸Nafanjanao guiya guajo todo ayo y fumatitinas y taelaye: sa si Jeova jajungog y vos y casaojo.

⁹Si Jeova jajungog y guinagaojo: si Jeova uresibe y tinaetaejo.

¹⁰Manmamajlao ya ninafañatsaga megae, todo y enimigujo: sija manalo, sija manmamajlao gusise.