2 Reye 10:23-27

²³Maʌ̃be Jehúra, Recab warra Jonadá sid̶a Baal de dromane ed̶a wãnaped̶a Jehúba Baal ẽpẽbadarãa nãwã jarasia: –Quĩrãcuitad̶adua. Ni ab̶aʌ Ãcõrẽ ẽpẽbarira bãrã ume b̶aiẽ́ b̶ʌa. Ab̶abe Baal ẽpẽbadadrʌ nama pananida panʌa.–

²⁴Maʌ̃be Baal ẽpẽbadaba animarãda, dewara sid̶a Baalea babue diacuabʌda basía. Mãwã panʌne ochenta sordaorãba dajadaare jʌ̃ã panasid̶aa Jehúba jarad̶a quĩrãca. Maʌ̃ sordaorãa nãwã jarasia: –Baal ẽpẽbadarãda mʌ̃a bãrã jʌwad̶e b̶ʌya. Ãdjirãra jũma quenanadua. Bãrãba ab̶a idu mĩrũ wãbid̶ibʌrʌ, dji idu mĩrũ wãbid̶ara bead̶ia.–

²⁵Baal ẽpẽbadarãba animarã babue diaped̶ad̶acarea Jehúba idji sordaorãa, ãdji bororãa bid̶a nãwã jarasia: –Ed̶a quenane wãnadua. Ni ab̶aʌda idu mĩrũ wãbirãnadua.– Ara maʌ̃da sordaorãba, ãdji bororã bid̶a necoba quenane wãsid̶aa. Ãdjia quenaped̶ad̶ara dajadaa b̶atacuad̶aped̶a Baal de dromane ed̶aara b̶ʌ dejãnaa wãsid̶aa.

²⁶Mamaʌba jʌwaba od̶a Baalera dajadaa pe enenaped̶a jũma babuesid̶aa.

²⁷Mõgara od̶a Baalera jũma toapecuad̶aped̶a idji de droma sid̶a jũma ãrĩsid̶aa. Maʌ̃be ãgabada deda mama ocuasid̶aa. Id̶i bid̶a mãwã b̶ʌa.