1 Kings 4:16-20

¹⁶Baana, tama daane ni Hushai: tenua o Asher mo di waahale Bealoth.

¹⁷Jehoshaphat, tama daane a Paruah: tenua o Issachar.

¹⁸Shimei, tama daane Ela: tenua o Benjamin.

¹⁹Geber, tama daane a Uri: tenua go Gilead, dela nogo dagi go di king Sihon o digau Amor mo di king Og o Bashan. I daha mo nia gau dilongoholu maa lua aanei, di gobinaa e dahi e dagi tenua hagatau.

²⁰Nia daangada o Judah mo Israel gu dogologowaahee, guu hai be nia gelegele o tongo tai; digaula e miami gei e inuinu mo di tenetene huoloo.