1. King 19:3-6

³Iwe, Elias a niuokus, a ütä o sü, pun a kütta manauan. A tori Persepa lon Juta o likiti nöün we chon angang ikenan.

⁴Lupwen Elias a feila lon ewe fanüpö ükükün toauen sain eu rän, a tori efoch irä, a mottiu fan o älälei an epwe mäla. Iwe, a iotek, “Ai Samol mi Lapalap, a kon naf ngeniei ai weires, kopwe angei seniei manauei, pun ngang üsap mürina seni ai kewe lewo.”

⁵Mürin a konola fän ewe irä o möür. Nge lon ei otun eman chon läng a atapa o üreni, “Kopwe pwätä o mongö.”

⁶Iwe, a nennefeil o küna me ünümöküran eföü pilawa me eu rumen koluk. A mongö o ün, mürin a pwal konsefälila.