Te Israel me Juda Hani Sigo Tuni Bidigo Po Elalubo Buku Deli 19:3-6

³Elaijago te po odama, te aga wi elama, wi palio. Agai aga sę bidi selama, augwali si pelama, te Berseba te Juda tǫ kantri buluba saboligi pai. Elaijago aga sę bidi te bulude bididubadi taga pelama,

⁴te agaduba digi te tǫ wa pai bulude bilidubadi, te deli sogo bubugaba usu nai. Te aga ni me deli elalubo madi pedelama, te ni dologode dugulaluyu, gedu haluasa po te tiwai wali, “Genuai Bidi, enaba te pedelali sęgę dabede ena usu yalio. Te megi eno homugo nago ena isimainu sula tagalao, magi baso meni, ena wiegi yai bidi me elalubeo. Menio. Ena te ena wąį nǫų dabe tiwai gagawai dao,” wali.

⁵Agai te gedu haluasa po wali silibo si da, teda aga gedu sęgę ebaso, aga te ni dologode godege piali. Tama polo mu tama, te mobo bidi ensel me deli asu, aga tigiba dią yagaselama, te hodoliyu, te tama po wai, “Nage hodaluama, nai tugulao,” wali.

⁶Tialima, Elaijago gedu peda sanama, tonono bilibadi, te aga tobolu badu pąde agai te bret me deli augwaligo masigide ulai munalubo suali, te wę sospen me suali. Tialima, agai te nai me wę tulama, nosali te aga godege ma pialio.