3मिनु एलीया हिंशा, प्रोक्माक्त। मिनु मेको प्रोक्शा यहूदा ङा बेयर-शेबा जाक्माक्त। मिनु मेकोमी आ गेय पाइब कली मेक उइ प्रोना बाक्त।
4मिनु आं चहिं काबु ङा लां ङोन गोरशो रागीम ओव़माक्त। मिनु मेको बुटा आगाम निश्शा, परमप्रभु यावे कली “मुल नुप्त। आ सोक्त ब्रने। मारदे हना गो आं किकी पिपी आन क्येङा रिम्शो मनङ” देंमाक्त। अय्युब ७:१५; योना ४:३
5मिनु नोले बुटा आ आगामीन गोल्शा निन्द्रा पवा बाक्त। मेना परमप्रभु यावे आ स्वर्ग ङा गेय पाइब कामी मेको कली ब्रा थिशा “बोक्शा जावो” देंमाक्त।
6मिनु मेकोमी बोक्शा, एर ओंथ कोव़ङानु, आ पिया गे चोशो होश शोब्ले का नु ढुङग्रो का ब्वाक्कु तवा बाक्त। मिनु मेकोम मेको जशा तूशा लेंशा इम्माक्त।