1 Baṉara 4:1-5

¹Solomone si na baṉara pa doduruna sa popoa Izireli,

²meke hire sari na ṉati palabatu nomadi tanisa: Se Azaraea sa tuna koreo Zedoki si na hiama si asa.

³Se Elihorepi meke se Ahiza, sari karua tuna koreo e Sisa, arini sari na tie kubekubere tanisa baṉara. Se Zehosapati, tuna koreo e Ahiludi, si kopudi sari na kinubekubere.

⁴Se Benaea, tuna koreo e Zehoiada, si na palabatu nomana tadi na tie varipera. Sari Zedoki meke Abiata, si na hiama.

⁵Se Azaraea, tuna koreo e Netani, si kopudi sari na palabatu qavuna pa hopeke pinaqaha popoa. Se Zabudi, tuna koreo e Netani, si na hiama pu hoke totoli toka nia sa baṉara.