1 REYES 4:1-5

¹Huajca Salomón elqui tlanahuatijquetl tlen nochi israelitame.

²Huan itlayacanca tlatequipanojcahua tlen más quihuicayayaj tequihuejcayotl elque ni tlacame: Azarías tlen elqui icone nopa totajtzi Sadoc,

³Elihoref huan Ahías tlen elqui iconehua Sisa, tlen elque tlajcuilohuani ipan tequicali, Josafat, icone Ahilud, tlen quiijcuilo nochi tlen panoc ipan itequi Tlanahuatijquetl Salomón,

⁴Benaía, icone Joiada, tlen elqui nopa hueyi tlayacanquetl tlen nochi isoldados Salomón, Sadoc huan Abiatar tlen elque itotajtzitzi TOTECO,

⁵Azarías, icone Natán, tlen quipixqui tequihuejcayotl ica nochi gobernadores ipan sesen estado, Zabul, icone Natán, tlen elqui itlaconsejomacaca huan inelhuampo Salomón,