ᤗᤢᤁᤠ 24:3-9

³ᤁᤖ ᤂᤧᤱᤜᤠ᤹ ᤛᤡᤃᤠᤱ ᤔᤧᤗᤠ᤺ᤛ᤻ᤛᤧᤸᤗᤧ ᤍᤠᤱᤒᤠ ᤕᤧᤛᤢᤖᤧ ᤁᤢᤎᤰᤁᤡᤴ ᤔᤧᤱᤄᤥ᤺ᤛᤢᤴᤗᤥ॥

⁴ᤂᤧᤱᤜᤠ᤹ ᤂᤧᤵᤔᤥ ᤂᤢᤏᤡ᤹ ᤏᤡᤱᤘᤠ᤹ ᤔᤕᤧᤖ ᤔᤧᤕᤧᤒᤧᤸᤗᤧ ᤂᤢᤴᤇᤡ᤹ ᤐᤣᤛᤠᤱ ᤔᤡᤰᤁᤡᤴᤏᤣ ᤁᤧᤈᤧᤶᤒᤠ ᤑᤛᤢ᤺ᤳᤁᤩᤠ᤺ᤵᤐᤠ ᤋᤣ᤺ᤳ ᤁᤧᤈᤠᤱᤒᤠ ᤏᤧᤵᤑᤢ ᤔᤏᤠᤜᤠ᤹ ᤕᤧᤒᤧᤳᤇᤡᤒᤠ ᤔᤧᤏᤡ᤺ᤛᤢᤛᤡ॥

⁵ᤂᤧᤱᤜᤠ᤹ ᤂᤢᤏᤡ᤹ ᤕᤱᤔᤠ ᤁᤧᤖᤧᤀᤠᤱ ᤂᤠᤶᤔᤥ ᤛᤠᤶᤒᤥ᤺ᤴ ᤜᤒᤳ ᤔᤧᤒᤥ᤺ᤰᤂᤧᤸᤗᤧ ᤂᤧᤱᤜᤠ᤹ᤖᤧ ᤂᤧᤴ ᤔᤧᤴᤇᤢᤔᤠᤜᤠ᤹ ᤌᤣᤀᤠᤱ ᤂᤡᤏᤡ᤹ ᤁᤢᤜᤡᤱᤘᤧᤳ ᤔᤏᤠ᤺ᤴ ᤁᤢᤛᤡᤘᤧᤳ ᤔᤏᤠᤗᤢᤶᤔᤥ ᤁᤧᤃᤥ᤺ᤳᤋᤢᤶᤒᤠᤒᤣ ᤑᤠ᤹ᤀᤠᤱ ᤛᤣ᤺ᤴᤔᤧᤍᤥᤛᤢᤛᤡ॥

⁶“ᤂᤢᤏᤧ᤹ᤃ ᤁᤵᤔᤥ ᤜᤥ᤺ᤵᤗᤥ᥄ ᤂᤢᤏᤧ᤹ᤃ ᤕᤠᤶᤔᤥ ᤜᤡᤅᤧᤀᤠᤱ ᤘᤠ᤹ᤖᤥ॥ ᤃᤠᤗᤡᤗᤀᤥ ᤂᤡᤏᤡ᤹ᤏᤢ ᤘᤕᤧᤸᤗᤧ ᤂᤢᤏᤧ᤹ ᤐᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤏᤡᤱᤘᤠ᤹ ᤀᤡ᤺ᤳᤋᤧᤶᤔᤧ᤹ᤀᤥ–

⁷‘ᤔᤧᤴᤇᤠᤶᤛᤠ᤺ᤴ ᤗᤠᤕᤥᤒᤠ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤜᤢᤰᤁᤥ ᤀᤡᤱᤔᤧᤗᤧᤰᤋᤢ᤹ᤀᤠᤱ ᤂᤢᤏᤧ᤹ ᤛᤡᤗᤠᤶᤛᤠᤰᤔᤠ ᤛᤡᤱᤛᤶᤍᤠᤱ ᤔᤧᤓᤥ᤺ᤴᤍᤢ ᤔᤧᤛᤧᤖᤢ᤹. ᤁᤖ ᤛᤢᤶᤛᤡᤃᤣ᤺ᤰᤐᤠ ᤕᤧᤴᤏᤥ ᤕᤠᤶᤔᤥ ᤜᤡᤱᤗᤥ॥’”

⁸ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤁᤴ ᤕᤧᤛᤢᤖᤧ ᤁᤢᤒᤠ᤺ᤴᤏᤡᤴ ᤏᤡᤱᤘᤠ᤹ ᤔᤧᤀᤡ᤺ᤳᤋᤢᤖ

⁹ᤀᤡᤵᤐᤢᤱᤗᤠᤶ ᤔᤧᤏᤢ᤺ᤰᤂᤧᤀᤠᤱ ᤌᤡᤰ-ᤌᤡᤰ (᥇᥇) ᤁᤢᤜᤢ᤹ᤛᤠᤶᤒᤠᤜᤠ᤹ ᤏᤢ ᤘᤣ᤹ ᤔᤏᤠᤜᤠ᤹ ᤁᤧᤖᤧᤰ ᤔᤧᤈᤧᤰᤋᤢᤛᤡᤖᤥ॥