Luk 24:3-9

³en deibin gowin insaid. Bat dei nomo bin luk det bodi blanga Jisas.

⁴En wen deibin jandap deya lukinatbat det keib, dubala einjul bin kamat langa olabat. Det dubala einjul bin abum brabli braitwan shainiwan klos,

⁵en detlot gel bin brabli bradin, en wen det dubala einjul bin tok langa olabat, deibin baudan garram olabat feis langa graun. Wal det dubala einjul bin tok, “Wotfo yumob lukabat det laibalawan weya ola dedbala oldei jidan?

⁶Im nomo iya! Imbin gidap! Yumob jinggabat wanim imbin dalim yumob deya langa Gelali.

⁷Imbin tok dei garra hendimoba im langa nogudbala pipul, en dei garra neilimap im langa kros. Bat thrideistaim im garra gidap laibala.”

⁸Wal wen detlot gel bin irrim dubala tok lagijat, deibin jinggabat wanim Jisas bin dalimbat olabat bifo,

⁹en deibin gowei brom det keib, en deibin gobek en dalimbat det nyus. Detlot gel bin Meri Megdalin, Jowena, en Meri det mami blanga Jeims. En deibin go en dalim detlot najalot gel, en afta deibin ol go en dalim detlot lebenbala speshalwan mishanri en ola najalot pipul wanim bin hepin deya langa det keib.