Luk 24:3-9

³Kabay di kfusukla déén, làla teen i laweh Dyisas.

⁴Na msamuk i nawala, bay di lamla faldam ani, nun lwe to msut tadag di safédla kamlaweh bukay too samfilà.

⁵Kitela i lwe to ani, too ale likò na lkuad ale kudung di tanà. Na man i lwe to di dale, “Kan ku mngabal gamu i to mto di gulambang i dad to mati?

⁶Talaan dini, du tamték. Fandamyu i manan gamu di klon ditù fa di Galili,

⁷du manan, ‘Agu, i dnagit Tingà To, là fakay ku là blé di agot i dad to gamsalà du nlansang di krus, bay di gatlun duh mték agu mdà di fati.’ ”

⁸Kaklinge i dad libun ani, gafaldamla i gman Dyisas di laan fa mati.

⁹Na mulê ale na tulenla i kdee teenla di dad sfalò satu gal mlalò ku Dyisas na di kdee dademe dad to déén.