ፆኦሲ ማዾ''ም ዳኪንቴዞንሢኮ ማዾ'' 24:13-20

¹³ሓሢ ታ ጊዳ'' ሺኢኬ ጌኤዞኮ ቢያ ጎናሲሢ ማዓንዳ ማርካ ፔቴ''ታዖ ዔያታ ኔኤም ሺኢሻኒ ዳንዳዑዋሴ።

¹⁴ጋዓንቴ ዬያ ታ ኔኤም ፔጋሲ ኬኤዛኒ ኮዓኔ፤ ዔያታ ‹ዒዚ ሉኡቂ ካኣሽካኔ› ጋዓ ጎይፆ ታኣኒ ኑ ዓዶንሢ ፆኦዛሢ ካኣሽካኔ፤ ጋዓንቴ ታኣኒ ሙሴ ዎጎና ፆኦሲ ማሊፆ ኬኤዛ ዓሶ ማፃኣፖናይዳ ፃኣፒንቴ ባኮ ቢያ ጉሙርቃኔ።

¹⁵ዔያታ ሃጊ ማዓንዳ ዎዞ'' ጌሣሢጉዲ ኮዦ ዓሶንታ ፑርቶ ዓሶንታ ሓይቢዳፓ ዔቃንዳሢ ታኣኒያ ፆኦሲና ጉሙርቃኔ።

¹⁶ዬያሮ ፆኦሲና ዓሲና ቤርቲዳ ጌኤሺ ዒና ታኣኮ ዓኣያ ማዓንዳጉዲ ቢያ ኬሊ'' ታ ኮዓኔ።

¹⁷«ዬሩሳላሜይዳፓ ታ ኬስኬንቴ ሚርጌ ሌዔ ዓኣዼሢኮ ጊንፃ ማንቆ ማዔ ታ ዓሶም ማዓንዳያ፥ ማኣዶ ሚኢሼና ሓሣ ፆኦሲም ዒንጊንታ ዒንጎ ባኣዚ'' ታኣኒ ዔኪ ሙኬኔ።

¹⁸ጌኤዦ ማኣሮይዳ ታና ዔያታ ዴንቄሢ ታ ዬያ ማዻንቴኬ፤ ዬማና ዑፆ ጌኤሺፆ ካኣዦ ዎጎ ታኣኒ ኩንሣኔ፤ ሓሣ ዒኢካ ታኣና ዎላ'' ሚርጌ ዴሬያ ባኣሴ፤ ዣላኣ ዔቂባኣሴ።

¹⁹ጋዓንቴ ዒሲያ ዓጮ''ይዳፓ ሙኬ ፔቴ'' ፔቴ'' ዓይሁዴ ዓሲ ዒኢካ ዓኣኔ፤ ሂንዳ ዔያታ ታና ዎጎና ዓይሢሳኒ ጋዓ ካራ ዓኣቶ ኔ ቤርታ ሺኢኪ ኬኤዞንጎ።

²⁰ጊንሣ ሓሣ ዎጎ ዎጋ ዓሶ ቤርቶይዳ ታ ሺኢካዖ ማዼ ዻቢንቲ ዓኣቶ ሓሢ ሃይካ ዓኣዞንሢ ኬኤዞንጎ።