ዬሱሲ ኪቴዳዋንቱ ኦሱዋ 24:13-20

¹³ኡንቱንቱ ሃዒካ ታና ሞቲያዋ ሻቲማናው ዳንዳይኪኖ።

¹⁴«ሺን ታኒ ሃዋ ኔው ኦዳይ፤ ታኒ ሙሴ ሂጊያን ዴዒያዋኔ ናባቱ ፃፌዳ ኡባባ ኣማናናዳን፥ ኑ ኣዋቱዋ ፆሳሲ ኡንቱንቱ ዎርዶ ጊያ ኦጊያን ጎሼታይ።

¹⁵ሃዋንቱ ባሬንቱ ሁጴው፥ ‹ኣሳይ ኡባይ፥ ዎርዱካ ፂሉካ ሃይቁዋፔ ዴንዳናዋንታ› ጊያዋዳን፥ ታኒካ ኡንቱንቱ ዴንዲያዋ ፆሳኒ ሂዶታ ዎꬃዴ ኣሙዋኒ ናጋይ።

¹⁶ሄዋ ዲራው፥ ታኒ ቃሲ፥ ፆሳ ሲንꬃኒኔ ኣሳ ሲንꬃን ኡባ ዎዴ፥ ፖኩ ባይና ቲላ ዎዛናይ ታው ዴዓና ማላ ሚናይ።

¹⁷«ታኒ ዬሩሳላሜፔ ኬሶዴፔ ጮራ ላይꬃፔ ጉዪያን፥ ታ ጋዴ ሂዬሳሲ ሚሻ ኢማናዉኔ ያርሹዋ ያርሻናው ዬሩሳላሜ ባዲ።

¹⁸ሄዋ ኦꬂሺን፥ ኣሳይ ሺቄናን፥ ዋላሳይ ዴንዴናን፥ ታኒ ጌሻ ጎሊያን ጌዪሺን፥ ኡንቱንቱ ታና ዴሜዲኖ።

¹⁹ሺን ኢሲያፔ ዬዳ ኢቲ ኢቲ ኣዪሁዳቱ ሄዋን ዴዒኖ፤ ኡንቱንቱ ታ ቦላ ዬዉዋ ኮዮፔ፥ ዪዴ ታና ኔ ቦላን ሞታናው ቤሴ።

²⁰ዎይ ታኒ ኡንቱንቱ ጊዶን ኤቃዴ፥ ‹ሃይቄዳዋንቱ ዴንዳናዋ ኣማኒያ ዲራው፥ ሃቼ ሂንቴ ሲንꬃን ታ ቦላ ፒርዲኖ› ጋዴ ሃ ꬎቂሳዴ ሃሳዬዳ ኢቲ ቃላፔ ኣቲን፥ ሺቁዋ ሲንꬃን ኤቂሺን፥ ታ ቦላ ኢቲ ባዪዙዋ ዴሜዳዋ ጊዶፔ፥ ሃዋንቱ ባሬንቱ ሁጴው ሃዋን ኦዳናዋንታ» ያጌዳ።