Katuma 24:13-20

¹³Barki anime wazowen kadura kimumme sa wazin nubo anice num kane ba.

¹⁴Ma buka we, barki una me sa tarsa anime ani min tarsa Asere acokoro aru. Ma wuza iririn utarsa unyettike u Musa nan ma takarda manu kurzuzo utize ta ASere.

¹⁵Ma inko iruba Asere, kasi inda be sa adi hirza anu wijo, anu iruba ubenki nan anu abur.

¹⁶Anime ani nyara in cukuno unu imum uzatu ubo ahira ASere nan anu anyimo uvat utimum.

¹⁷Ma ē atiwe sa ta aki unu saddiga nan unya uhem iruba.

¹⁸Anyimo iruba uwana anime, are ayahudawa ama nyanga mu Asiya wa kem anyimo ati na tuisa udenge Asere, inzo inni ori nani unu bukurko ahira ba.

¹⁹Irizi anu agino me ē ahira aweme kanime, ingi wazin ini mum ubo anice.

²⁰Ingi inzo anime ba ca anu ageme wa buki nani wamu kem ini mum ibur uganiya sa ma hana aje anu ira wa yahudawa;