16«ኢስራዔሊያ ኣሳቱዋፔካ ጮራቱዋ ኡንቱንቱ ጎዳ ፆሳኮ፥ ኢ ዛራናዋ።
17ኢካ ጊጌና ኣሳ ጎዳው ጊጊሳናው፥ ኣዋቱዋ ዎዛና ናናቱዋኮ፥ ኣዛዜቴናዋንታካ ፂሎቴꬃ ኤራኮ ዛራናው፥ ኤላሳ ኣያናኒኔ ዎልቃን ጎዳፔ ሲንꬃና ቤ።»
18ዛካራሲካ ኪታንቻ፥ «ታኒ ጪማዲ፥ ታማቻታካ ባሬ ላይꬃን ሱጌዳዉኖ፥ ሃዋ ታኒ ኣያን ኤራኒታ?» ጌዳ።
19ኪታንቻይካ ዛሪዴ፥ «ታኒ ፆሳ ሲንꬃን ኤቂያ ጋብሬላ፤ ሃዋ ሚሺራቹዋ ኔው ኦዳናው ኔኮ ኪቴታዲ፤
20ሄኮ ሄ ዎዲያን ሃናና ታ ቃላ ኔ ኣማና ቤና ዲራው፥ ሃ ዬዉ ሃናና ጋላሳይ ጋካናው ኔኒ ዱዴ ጊዳናሳ፤ ሃሳያናዉካ ዳንዳያካ» ጌዳ።
21ሄ ዎዴ ኣሳይ፥ ዛካራሲ ጌሻ ጎሊያፔ ኬሴናን ኣያው ጋሚዔዴንቶ ማላሌቲዴ ናጊኖ።
22ኬሴዳ ዎዲያንካ ሃሳያናው ዳንዳይቤና፤ ጌሻ ጎሊያን ሳፃ ኢ ቤዔዳዋ ኣኬኬዲኖ፤ ኢካ ሃሳያናው ዳንዳዪቤናዋ ፆርሲ ቤሲዴ፥ ዱዴ ጊዲዴ ዴዔዳ።
23ዛካራሲካ ባሬ ኦሱዋ ዎዲያ ዉርሶ ዎዴ፥ ባሬ ጎሌ ሲሜዳ።
24ሄዋፔ ጉዪያን ኣ ማቻታ ኤልሳቤፃ ሻሃራዴ ኢቼሹ ኣጌና ባሬና ጌንꬃዱ።
25ኤልሳቤፃካ፥ «ታ ቶሺያ ኣሳ ጊዶፔ ዲጋናው ጎዳይ ባሬ ማሮቴꬃን ታና ፄሎ ዎዴ፥ ሃዋዳን ታው ኦꬄዳ» ጋዱ።
ሉቃሳ 1
ሉቃሳ 1:16-25