རོམིཎཿ 2:4-16

⁴ཨཔརཾ ཏཝ མནསཿ པརིཝརྟྟནཾ ཀརྟྟུམ྄ ཨིཤྭརསྱཱནུགྲཧོ བྷཝཏི ཏནྣ བུདྡྷྭཱ ཏྭཾ ཀིཾ ཏདཱིཡཱནུགྲཧཀྵམཱཙིརསཧིཥྞུཏྭནིདྷིཾ ཏུཙྪཱིཀརོཥི?

⁵ཏཐཱ སྭཱནྟཿཀརཎསྱ ཀཋོརཏྭཱཏ྄ ཁེདརཱཧིཏྱཱཙྩེཤྭརསྱ ནྱཱཡྻཝིཙཱརཔྲཀཱཤནསྱ ཀྲོདྷསྱ ཙ དིནཾ ཡཱཝཏ྄ ཀིཾ སྭཱརྠཾ ཀོཔཾ སཉྩིནོཥི?

⁶ཀིནྟུ ས ཨེཀཻཀམནུཛཱཡ ཏཏྐརྨྨཱནུསཱརེཎ པྲཏིཕལཾ དཱསྱཏི;

⁷ཝསྟུཏསྟུ ཡེ ཛནཱ དྷཻཪྻྱཾ དྷྲྀཏྭཱ སཏྐརྨྨ ཀུཪྻྭནྟོ མཧིམཱ སཏྐཱརོ྅མརཏྭཉྩཻཏཱནི མྲྀགཡནྟེ ཏེབྷྱོ྅ནནྟཱཡུ རྡཱསྱཏི།

⁸ཨཔརཾ ཡེ ཛནཱཿ སཏྱདྷརྨྨམ྄ ཨགྲྀཧཱིཏྭཱ ཝིཔརཱིཏདྷརྨྨམ྄ གྲྀཧླནྟི ཏཱདྲྀཤཱ ཝིརོདྷིཛནཱཿ ཀོཔཾ ཀྲོདྷཉྩ བྷོཀྵྱནྟེ།

⁹ཨཱ ཡིཧཱུདིནོ྅ནྱདེཤིནཿ པཪྻྱནྟཾ ཡཱཝནྟཿ ཀུཀརྨྨཀཱརིཎཿ པྲཱཎིནཿ སནྟི ཏེ སཪྻྭེ དུཿཁཾ ཡཱཏནཱཉྩ གམིཥྱནྟི;

¹⁰ཀིནྟུ ཨཱ ཡིཧཱུདིནོ བྷིནྣདེཤིཔཪྻྱནྟཱ ཡཱཝནྟཿ སཏྐརྨྨཀཱརིཎོ ལོཀཱཿ སནྟི ཏཱན྄ པྲཏི མཧིམཱ སཏྐཱརཿ ཤཱནྟིཤྩ བྷཝིཥྱནྟི།

¹¹ཨཱིཤྭརསྱ ཝིཙཱརེ པཀྵཔཱཏོ ནཱསྟི།

¹²ཨལབྡྷཝྱཝསྠཱཤཱསྟྲཻ ཪྻཻཿ པཱཔཱནི ཀྲྀཏཱནི ཝྱཝསྠཱཤཱསྟྲཱལབྡྷཏྭཱནུརཱུཔསྟེཥཱཾ ཝིནཱཤོ བྷཝིཥྱཏི; ཀིནྟུ ལབྡྷཝྱཝསྠཱཤཱསྟྲཱ ཡེ པཱཔཱནྱཀུཪྻྭན྄ ཝྱཝསྠཱནུསཱརཱདེཝ ཏེཥཱཾ ཝིཙཱརོ བྷཝིཥྱཏི།

¹³ཝྱཝསྠཱཤྲོཏཱར ཨཱིཤྭརསྱ སམཱིཔེ ནིཥྤཱཔཱ བྷཝིཥྱནྟཱིཏི ནཧི ཀིནྟུ ཝྱཝསྠཱཙཱརིཎ ཨེཝ སཔུཎྱཱ བྷཝིཥྱནྟི།

¹⁴ཡཏོ ྅ལབྡྷཝྱཝསྠཱཤཱསྟྲཱ བྷིནྣདེཤཱིཡལོཀཱ ཡདི སྭབྷཱཝཏོ ཝྱཝསྠཱནུརཱུཔཱན྄ ཨཱཙཱརཱན྄ ཀུཪྻྭནྟི ཏརྷྱལབྡྷཤཱསྟྲཱཿ སནྟོ྅པི ཏེ སྭེཥཱཾ ཝྱཝསྠཱཤཱསྟྲམིཝ སྭཡམེཝ བྷཝནྟི།

¹⁵ཏེཥཱཾ མནསི སཱཀྵིསྭརཱུཔེ སཏི ཏེཥཱཾ ཝིཏརྐེཥུ ཙ ཀདཱ ཏཱན྄ དོཥིཎཿ ཀདཱ ཝཱ ནིརྡོཥཱན྄ ཀྲྀཏཝཏྶུ ཏེ སྭཱནྟརླིཁིཏསྱ ཝྱཝསྠཱཤཱསྟྲསྱ པྲམཱཎཾ སྭཡམེཝ དདཏི།

¹⁶ཡསྨིན྄ དིནེ མཡཱ པྲཀཱཤིཏསྱ སུསཾཝཱདསྱཱནུསཱརཱད྄ ཨཱིཤྭརོ ཡཱིཤུཁྲཱིཥྚེན མཱནུཥཱཎཱམ྄ ཨནྟཿཀརཎཱནཱཾ གཱུཌྷཱབྷིཔྲཱཡཱན྄ དྷྲྀཏྭཱ ཝིཙཱརཡིཥྱཏི ཏསྨིན྄ ཝིཙཱརདིནེ ཏཏ྄ པྲཀཱཤིཥྱཏེ།