རོམིཎཿ 8

1

2

3

4

5

6

7

8

9

10

11

12

13

14

15

16

¹ཡེ ཛནཱཿ ཁྲཱིཥྚཾ ཡཱིཤུམ྄ ཨཱཤྲིཏྱ ཤཱརཱིརིཀཾ ནཱཙརནྟ ཨཱཏྨིཀམཱཙརནྟི ཏེ྅དྷུནཱ དཎྜཱརྷཱ ན བྷཝནྟི།

²ཛཱིཝནདཱཡཀསྱཱཏྨནོ ཝྱཝསྠཱ ཁྲཱིཥྚཡཱིཤུནཱ པཱཔམརཎཡོ ཪྻྱཝསྠཱཏོ མཱམམོཙཡཏ྄།

³ཡསྨཱཙྪཱརཱིརསྱ དུརྦྦལཏྭཱད྄ ཝྱཝསྠཡཱ ཡཏ྄ ཀརྨྨཱསཱདྷྱམ྄ ཨཱིཤྭརོ ནིཛཔུཏྲཾ པཱཔིཤརཱིརརཱུཔཾ པཱཔནཱཤཀབལིརཱུཔཉྩ པྲེཥྱ ཏསྱ ཤརཱིརེ པཱཔསྱ དཎྜཾ ཀུཪྻྭན྄ ཏཏྐརྨྨ སཱདྷིཏཝཱན྄།

⁴ཏཏཿ ཤཱརཱིརིཀཾ ནཱཙརིཏྭཱསྨཱབྷིརཱཏྨིཀམ྄ ཨཱཙརདྦྷིཪྻྱཝསྠཱགྲནྠེ ནིརྡྡིཥྚཱནི པུཎྱཀརྨྨཱཎི སཪྻྭཱཎི སཱདྷྱནྟེ།

⁵ཡེ ཤཱརཱིརིཀཱཙཱརིཎསྟེ ཤཱརཱིརིཀཱན྄ ཝིཥཡཱན྄ བྷཱཝཡནྟི ཡེ ཙཱཏྨིཀཱཙཱརིཎསྟེ ཨཱཏྨནོ ཝིཥཡཱན྄ བྷཱཝཡནྟི།

⁶ཤཱརཱིརིཀབྷཱཝསྱ ཕལཾ མྲྀཏྱུཿ ཀིཉྩཱཏྨིཀབྷཱཝསྱ ཕལེ ཛཱིཝནཾ ཤཱནྟིཤྩ།

⁷ཡཏཿ ཤཱརཱིརིཀབྷཱཝ ཨཱིཤྭརསྱ ཝིརུདྡྷཿ ཤཏྲུཏཱབྷཱཝ ཨེཝ ས ཨཱིཤྭརསྱ ཝྱཝསྠཱཡཱ ཨདྷཱིནོ ན བྷཝཏི བྷཝིཏུཉྩ ན ཤཀྣོཏི།

⁸ཨེཏསྨཱཏ྄ ཤཱརཱིརིཀཱཙཱརིཥུ ཏོཥྚུམ྄ ཨཱིཤྭརེཎ ན ཤཀྱཾ།

⁹ཀིནྟྭཱིཤྭརསྱཱཏྨཱ ཡདི ཡུཥྨཱཀཾ མདྷྱེ ཝསཏི ཏརྷི ཡཱུཡཾ ཤཱརཱིརིཀཱཙཱརིཎོ ན སནྟ ཨཱཏྨིཀཱཙཱརིཎོ བྷཝཐཿ། ཡསྨིན྄ ཏུ ཁྲཱིཥྚསྱཱཏྨཱ ན ཝིདྱཏེ ས ཏཏྶམྦྷཝོ ནཧི།

¹⁰ཡདི ཁྲཱིཥྚོ ཡུཥྨཱན྄ ཨདྷིཏིཥྛཏི ཏརྷི པཱཔམ྄ ཨུདྡིཤྱ ཤརཱིརཾ མྲྀཏཾ ཀིནྟུ པུཎྱམུདྡིཤྱཱཏྨཱ ཛཱིཝཏི།

¹¹མྲྀཏགཎཱད྄ ཡཱིཤུ ཪྻེནོཏྠཱཔིཏསྟསྱཱཏྨཱ ཡདི ཡུཥྨནྨདྷྱེ ཝསཏི ཏརྷི མྲྀཏགཎཱཏ྄ ཁྲཱིཥྚསྱ ས ཨུཏྠཱཔཡིཏཱ ཡུཥྨནྨདྷྱཝཱསིནཱ སྭཀཱིཡཱཏྨནཱ ཡུཥྨཱཀཾ མྲྀཏདེཧཱནཔི པུན རྫཱིཝཡིཥྱཏི།

¹²ཧེ བྷྲཱཏྲྀགཎ ཤརཱིརསྱ ཝཡམདྷམརྞཱ ན བྷཝཱམོ྅ཏཿ ཤཱརཱིརིཀཱཙཱརོ྅སྨཱབྷི རྣ ཀརྟྟཝྱཿ།

¹³ཡདི ཡཱུཡཾ ཤརཱིརིཀཱཙཱརིཎོ བྷཝེཏ ཏརྷི ཡུཥྨཱབྷི རྨརྟྟཝྱམེཝ ཀིནྟྭཱཏྨནཱ ཡདི ཤརཱིརཀརྨྨཱཎི གྷཱཏཡེཏ ཏརྷི ཛཱིཝིཥྱཐ།

¹⁴ཡཏོ ཡཱཝནྟོ ལོཀཱ ཨཱིཤྭརསྱཱཏྨནཱཀྲྀཥྱནྟེ ཏེ སཪྻྭ ཨཱིཤྭརསྱ སནྟཱནཱ བྷཝནྟི།

¹⁵ཡཱུཡཾ པུནརཔི བྷཡཛནཀཾ དཱསྱབྷཱཝཾ ན པྲཱཔྟཱཿ ཀིནྟུ ཡེན བྷཱཝེནེཤྭརཾ པིཏཿ པིཏརིཏི པྲོཙྱ སམྦོདྷཡཐ ཏཱདྲྀཤཾ དཏྟཀཔུཏྲཏྭབྷཱཝམ྄ པྲཱཔྣུཏ།

¹⁶ཨཔརཉྩ ཝཡམ྄ ཨཱིཤྭརསྱ སནྟཱནཱ ཨེཏསྨིན྄ པཝིཏྲ ཨཱཏྨཱ སྭཡམ྄ ཨསྨཱཀམ྄ ཨཱཏྨཱབྷིཿ སཱརྡྡྷཾ པྲམཱཎཾ དདཱཏི།

¹⁷ཨཏཨེཝ ཝཡཾ ཡདི སནྟཱནཱསྟརྷྱདྷིཀཱརིཎཿ, ཨརྠཱད྄ ཨཱིཤྭརསྱ སྭཏྟྭཱདྷིཀཱརིཎཿ ཁྲཱིཥྚེན སཧཱདྷིཀཱརིཎཤྩ བྷཝཱམཿ; ཨཔརཾ ཏེན སཱརྡྡྷཾ ཡདི དུཿཁབྷཱགིནོ བྷཝཱམསྟརྷི ཏསྱ ཝིབྷཝསྱཱཔི བྷཱགིནོ བྷཝིཥྱཱམཿ།

¹⁸ཀིནྟྭསྨཱསུ ཡོ བྷཱཝཱིཝིབྷཝཿ པྲཀཱཤིཥྱཏེ ཏསྱ སམཱིཔེ ཝརྟྟམཱནཀཱལཱིནཾ དུཿཁམཧཾ ཏྲྀཎཱཡ མནྱེ།

¹⁹ཡཏཿ པྲཱཎིགཎ ཨཱིཤྭརསྱ སནྟཱནཱནཱཾ ཝིབྷཝཔྲཱཔྟིམ྄ ཨཱཀཱངྐྵན྄ ནིཏཱནྟམ྄ ཨཔེཀྵཏེ།

²⁰ཨཔརཉྩ པྲཱཎིགཎཿ སྭཻརམ྄ ཨལཱིཀཏཱཡཱ ཝཤཱིཀྲྀཏོ ནཱབྷཝཏ྄

²¹ཀིནྟུ པྲཱཎིགཎོ྅པི ནཤྭརཏཱདྷཱིནཏྭཱཏ྄ མུཀྟཿ སན྄ ཨཱིཤྭརསྱ སནྟཱནཱནཱཾ པརམམུཀྟིཾ པྲཱཔྶྱཏཱིཏྱབྷིཔྲཱཡེཎ ཝཤཱིཀརྟྲཱ ཝཤཱིཙཀྲེ།

²²ཨཔརཉྩ པྲསཱུཡམཱནཱཝད྄ ཝྱཐིཏཿ སན྄ ཨིདཱནཱིཾ ཡཱཝཏ྄ ཀྲྀཏྶྣཿ པྲཱཎིགཎ ཨཱརྟྟསྭརཾ ཀརོཏཱིཏི ཝཡཾ ཛཱནཱིམཿ།

²³ཀེཝལཿ ས ཨིཏི ནཧི ཀིནྟུ པྲཐམཛཱཏཕལསྭརཱུཔམ྄ ཨཱཏྨཱནཾ པྲཱཔྟཱ ཝཡམཔི དཏྟཀཔུཏྲཏྭཔདཔྲཱཔྟིམ྄ ཨརྠཱཏ྄ ཤརཱིརསྱ མུཀྟིཾ པྲཏཱིཀྵམཱཎཱསྟདྭད྄ ཨནྟརཱརྟྟརཱཝཾ ཀུརྨྨཿ།

²⁴ཝཡཾ པྲཏྱཱཤཡཱ ཏྲཱཎམ྄ ཨལབྷཱམཧི ཀིནྟུ པྲཏྱཀྵཝསྟུནོ ཡཱ པྲཏྱཱཤཱ སཱ པྲཏྱཱཤཱ ནཧི, ཡཏོ མནུཥྱོ ཡཏ྄ སམཱིཀྵཏེ ཏསྱ པྲཏྱཱཤཱཾ ཀུཏཿ ཀརིཥྱཏི?

²⁵ཡད྄ ཨཔྲཏྱཀྵཾ ཏསྱ པྲཏྱཱཤཱཾ ཡདི ཝཡཾ ཀུཪྻྭཱིམཧི ཏརྷི དྷཻཪྻྱམ྄ ཨཝལམྦྱ པྲཏཱིཀྵཱམཧེ།

²⁶ཏཏ ཨཱཏྨཱཔི སྭཡམ྄ ཨསྨཱཀཾ དུརྦྦལཏཱཡཱཿ སཧཱཡཏྭཾ ཀརོཏི; ཡཏཿ ཀིཾ པྲཱརྠིཏཝྱཾ ཏད྄ བོདྡྷུཾ ཝཡཾ ན ཤཀྣུམཿ, ཀིནྟྭསྤཥྚཻརཱརྟྟརཱཝཻརཱཏྨཱ སྭཡམ྄ ཨསྨནྣིམིཏྟཾ ནིཝེདཡཏི།

²⁷ཨཔརམ྄ ཨཱིཤྭརཱབྷིམཏརཱུཔེཎ པཝིཏྲལོཀཱནཱཾ ཀྲྀཏེ ནིཝེདཡཏི ཡ ཨཱཏྨཱ ཏསྱཱབྷིཔྲཱཡོ྅ནྟཪྻྱཱམིནཱ ཛྙཱཡཏེ།

²⁸ཨཔརམ྄ ཨཱིཤྭརཱིཡནིརཱུཔཎཱནུསཱརེཎཱཧཱུཏཱཿ སནྟོ ཡེ ཏསྨིན྄ པྲཱིཡནྟེ སཪྻྭཱཎི མིལིཏྭཱ ཏེཥཱཾ མངྒལཾ སཱདྷཡནྟི, ཨེཏད྄ ཝཡཾ ཛཱནཱིམཿ།

²⁹ཡཏ ཨཱིཤྭརོ བཧུབྷྲཱཏྲྀཎཱཾ མདྷྱེ སྭཔུཏྲཾ ཛྱེཥྛཾ ཀརྟྟུམ྄ ཨིཙྪན྄ ཡཱན྄ པཱུཪྻྭཾ ལཀྵྱཱིཀྲྀཏཝཱན྄ ཏཱན྄ ཏསྱ པྲཏིམཱུརྟྱཱཿ སཱདྲྀཤྱཔྲཱཔྟྱརྠཾ ནྱཡུཾཀྟ།

³⁰ཨཔརཉྩ ཏེན ཡེ ནིཡུཀྟཱསྟ ཨཱཧཱུཏཱ ཨཔི ཡེ ཙ ཏེནཱཧཱུཏཱསྟེ སཔུཎྱཱིཀྲྀཏཱཿ, ཡེ ཙ ཏེན སཔུཎྱཱིཀྲྀཏཱསྟེ ཝིབྷཝཡུཀྟཱཿ།

³¹ཨིཏྱཏྲ ཝཡཾ ཀིཾ བྲཱུམཿ? ཨཱིཤྭརོ ཡདྱསྨཱཀཾ སཔཀྵོ བྷཝཏི ཏརྷི ཀོ ཝིཔཀྵོ྅སྨཱཀཾ?

³²ཨཱཏྨཔུཏྲཾ ན རཀྵིཏྭཱ ཡོ྅སྨཱཀཾ སཪྻྭེཥཱཾ ཀྲྀཏེ ཏཾ པྲདཏྟཝཱན྄ ས ཀིཾ ཏེན སཧཱསྨབྷྱམ྄ ཨནྱཱནི སཪྻྭཱཎི ན དཱསྱཏི?

³³ཨཱིཤྭརསྱཱབྷིརུཙིཏེཥུ ཀེན དོཥ ཨཱརོཔཡིཥྱཏེ? ཡ ཨཱིཤྭརསྟཱན྄ པུཎྱཝཏ ཨིཝ གཎཡཏི ཀིཾ ཏེན?

³⁴ཨཔརཾ ཏེབྷྱོ དཎྜདཱནཱཛྙཱ ཝཱ ཀེན ཀརིཥྱཏེ? ཡོ྅སྨནྣིམིཏྟཾ པྲཱཎཱན྄ ཏྱཀྟཝཱན྄ ཀེཝལཾ ཏནྣ ཀིནྟུ མྲྀཏགཎམདྷྱཱད྄ ཨུཏྠིཏཝཱན྄, ཨཔི ཙེཤྭརསྱ དཀྵིཎེ པཱརྴྭེ ཏིཥྛན྄ ཨདྱཱཔྱསྨཱཀཾ ནིམིཏྟཾ པྲཱརྠཏ ཨེཝམྦྷཱུཏོ ཡཿ ཁྲཱིཥྚཿ ཀིཾ ཏེན?

³⁵ཨསྨཱབྷིཿ སཧ ཁྲཱིཥྚསྱ པྲེམཝིཙྪེདཾ ཛནཡིཏུཾ ཀཿ ཤཀྣོཏི? ཀླེཤོ ཝྱསནཾ ཝཱ ཏཱཌནཱ ཝཱ དུརྦྷིཀྵཾ ཝཱ ཝསྟྲཧཱིནཏྭཾ ཝཱ པྲཱཎསཾཤཡོ ཝཱ ཁངྒོ ཝཱ ཀིམེཏཱནི ཤཀྣུཝནྟི?

³⁶ཀིནྟུ ལིཁིཏམ྄ ཨཱསྟེ, ཡཐཱ, ཝཡཾ ཏཝ ནིམིཏྟཾ སྨོ མྲྀཏྱུཝཀྟྲེ྅ཁིལཾ དིནཾ། བལིརྡེཡོ ཡཐཱ མེཥོ ཝཡཾ གཎྱཱམཧེ ཏཐཱ།

³⁷ཨཔརཾ ཡོ྅སྨཱསུ པྲཱིཡཏེ ཏེནཻཏཱསུ ཝིཔཏྶུ ཝཡཾ སམྱག྄ ཝིཛཡཱམཧེ།

³⁸ཡཏོ྅སྨཱཀཾ པྲབྷུནཱ ཡཱིཤུཁྲཱིཥྚེནེཤྭརསྱ ཡཏ྄ པྲེམ ཏསྨཱད྄ ཨསྨཱཀཾ ཝིཙྪེདཾ ཛནཡིཏུཾ མྲྀཏྱུ རྫཱིཝནཾ ཝཱ དིཝྱདཱུཏཱ ཝཱ བལཝནྟོ མུཁྱདཱུཏཱ ཝཱ ཝརྟྟམཱནོ ཝཱ བྷཝིཥྱན྄ ཀཱལོ ཝཱ ཨུཙྩཔདཾ ཝཱ ནཱིཙཔདཾ ཝཱཔརཾ ཀིམཔི སྲྀཥྚཝསྟུ

³⁹ཝཻཏེཥཱཾ ཀེནཱཔི ན ཤཀྱམིཏྱསྨིན྄ དྲྀཌྷཝིཤྭཱསོ མམཱསྟེ།