22मिनु नोले मोसामी अर्को चढ़ेतीक सांड चाक्तु। मेको गेय गोचा कली चढ़ेतीक ङा सांड बाक्त। मिनु हारून नु आ तौपुकीम आन गुइ मेको सांड आ पिया तार वोइक्तेक्म।
23मिनु मोसामी मेको सांड कली क्योरतु। मिनु मेकोमी मेको आ हुश हारून आ ग्युरा नोफा आ फेनेम, आ ग्युरा गुइ ङा बोंग्ये नु आ ग्युरा खोइल ङा बोंग्येमी ख्रेक्ताक्व।
24मिनु मोसामी हारून आ तौ आन कली चाक्पाइक्तु। मिनु मेकोमी मेको आन ग्युरा नोफा आन फेनेम, आन ग्युरा गुइ ङा बोंग्ये नु आन ग्युरा खोइल ङा बोंग्येमी ख्रेक्ताक्व। मिनु मोसामी मेको हुश कली चढ़ेतीके आ एर ओंथ ब्रुइक्ताक्व। लेवी १७:११
25मिनु मेकोमी मेको सांड आ बोंसो, मेको बोंसो पाइश्शो मीलु, गा क्यीम गिल्शो बोंसो, आइदीम क्येप्शो बोंसो, चिच निम्फा नु मेक ङा बोंसो नु ग्युरा फिला लाइक्तु।