24गो इन कली यो मरिम्शो पस ङा पस पाइनुङ। मिनु गो इन पाप ७ खेयप तेम्शा, इन कली श्येत गेनुङ।
25गो इन कली लडाइ तोपाइक्नुङ। मिनु आं कबल प्रोंइशो आ पर्बम क्येक्क लेत्नुङ। गेपुकी आंम आंमा सहरम बुक्तीनी हना, गो मेकेर यो इन दातेम बेक्पाइक्ब रोइ सोइक्नुङ। मिनु इन जोरी सत्रु आन गुइम दुम्नीनी। यसैया १:२०,२४
26मिनु गो इन अन्न थमा पा साम्पाइक्नुङ। १० ओटा खिं ङा मीश मुरुमी चुप्लु कामी क्येनीम। क्येशा पुक्शा तेम्मेनु, सुइ मरूनीम। यसैया ३:१; इजीकीएल ४:१६
27मिनु मेको मो दुम्शा यो, गे आं कली मटिथु, दूली लां गाक्स ङा गाक्स पाइतीनी हना,