22आं आफोमी मुर आन कली निसाफ मपाइब। तन्न नेल्ल निसाफ पचा ङा गेय आ तौ कली पपाइक्ब।
23मो दुम्मेनु, आं आफ कली मान पाइबपुकीमी आ तौ कली यो आफ कली खोदेंशो पा मान पाइनीम। सुमी तौ कली मान मपाइबा, मेकोमी तौ कली सोइक्ब आं आफ कली यो मान मपाइब। फिलिप्पी २:१०-११; १यूहन्ना २:२३
24नोफा दाइश्शा नेनीन, सुमी आं लोव़ नेंबा नु आं कली सोइक्ब आं आफ परमप्रभु यावे कली थमा सुइक्बा, मेको गेना हना यो ब्रोंइशा बाक्चा ताइब। सजाइ मताइब। मारदे हना बेक्शो रे गेना हना यो ब्रोंइशा बाक्चा ताइब। यूहन्ना ३:१६-१८
25नोफा दाइश्शा नेनीन, बेक्शो मुरपुकीमी मुल परमप्रभु यावे आ तौ आ सेंदा नेंनीम। सुमी नेंबा, मेको गेना हना यो ब्रोंइशा बाक्चा ताइब। एफिसी २:५-६
26परमप्रभु यावे नु ब्रोंइतीक सोक्त बाक्ब। मिनु आ तौ कली यो मोदेंशो ब्रोंइतीक सोक्ती गेशो बाक्त। यूहन्ना १:१-४
27मिनु आ तौ कली निसाफ पतीक अधिकार गेप्तु। मारदे हना आ तौ रागीमी जरमेसीशो बाक्ब। दानीएल ७:१३-१४