4मिनु येसुमी आ ममा कली “गो मार पचा माल्नुङा, आं कली मदेनीन। मुल सम्म आं पची मजा” दे माइक्तु।
5मिनु आ ममामी गेय पाइब आन कली “एकोमी मार देंमे, मोदेंशो पने” दे माइक्तीमी।
6मिनु मेकेर फुल्लु के मुशो ६ ओटा गर वोइश्शो बाक्तेक्म। यहूदी आन रिती थितीमी मुर आन कली चिक्चा, दे वोइश्शो बाक्तेक्म। मेको गर कामी २, ३ ठेयब पुक्तीक खोदेंशो ब्वाक्कु रिक्ब। मेत्रेतस माइश्शो ठेयब पुक्तीक का ३९ लिटर खोदेंशो बाक्ब।मर्कूस ७:३-४
7मिनु येसुमी गेय पाइब आन कली “गर नेल्ल ब्वाक्कुमी प्रिंदीन” देंत। मिनु मेकोपुकीमी गर नेल्ल ब्वाक्कुमी प्रिंताक्म।
8मिनु “जचा योक्ब आन ठेयब मुर कली एको थाम्चा गेने” दे माइक्तीमी। मिनु मेकोपुकीमी आ देंशो खोदेंशो पाम्तेक्म।
9मेको ठेयब मुरुमी मेको अङगुर शांबु दुम्शो ब्वाक्कु थाम्शा कोव़ङानु, जिजी कका पा ब्रोव़शो बाक्माक्त। मेकोमी मेको अङगुर शांबु ते रे चाक्शो मतुइक्त। गेय पाइबपुकीमी ला तुइश्शो बाक्तेक्म। मिनु मेको ठेयब मुरुमी ग्युम्ले कली ब्रेश्शा