Yon 2:4-9

⁴Iw to Yeisuw, ilana, “Adok mukwaleiwag towen; yey gunakaleiwag igaw.”

⁵Yeisuw inan mo idibakes tanuwagan sagal navamuls, ilana, “Aveiyag Yeisuw bidibakeimiy, kadiloka bukuwteles.”

⁶Kunasoup nisesus kunanim kunatan, silma̱nin min-Yudiy biwidis nimes, kikeis; peinan asisinap ma̱wan. Kunasoup kavka̱vek, vakanes mamagina gamag vakaeinan.

⁷Yeisuw idibakes, ilana, “Kuvgwagwes kunasoup, yevagam waseg; mo ivgwagwes, in, ika̱lawt.”

⁸Yeisuw mo ilana, “Kunasoup waseg kukilis, kukwawes kunawes tanawagan sagal waseg,” mo iwteles ma̱wan.

⁹Tanuwagan sagal ikamkwen yevagam towen bo imlavag wayn; nag bikakin avanuy meinoy neim, tage tasiyas takilins yevagam ikakins; tanuwagan sagal mo idow taveivay va̱gan beim bilivans son. Ilana, “Gamag babaw sagal nakabsilamaw waseg isekes wayn singaya bwein, imwamoums ee... iyakousis, wankuyeim mo isekes kalamwey wayn; tage ya̱koum amsinap kweitan, wayn bwanabwein kwayus, sagal nakabiyokous waseg mo kusekem ka̱moum.”