17मिनु परमप्रभु यावे आ लोव़मी “इन खिं कली थमा पा दाक्नुङ। मेको दाक्तीक मी खोदेंशो पा आं थुंम चोइब” दे ब्रेक्शो बाक्ब, दे आ शेंसीबपुकीमी फ्रुक्तेक्म। भजन संग्रह ६९:९
18मिनु यहूदीपुकीमी येसु कली “इ के मो पचा ङा अधिकार बाक्ब, दे आंइ कली मार चिन्ड कोंइने चाप्नेवे?” देंमानु, मत्ती २१:२३
19येसुमी “परमप्रभु यावे आ खिं प्रेतीन। गो नाक्त सांमी लेंशा सेल्ने थुम्नुङ” दे माइक्तीमी। मत्ती २६:६१; मत्ती २७:४०
20मिनु यहूदीपुकीमी “परमप्रभु यावे आ खिं सेल्चा कली ४६ बर्स माल्शो बाक्त। दोपा नाक्त सांमी सेल्ने चाप्नेवे ङा?” देंतेक्म।
21येसुमी आ रां आ पर्बम लोव़ पाप्तु। आ रां परमप्रभु यावे आ खिं बाक्ब। १कोरिन्थी ६:१९