ܡܙܡܘܪ̈ܐ 52:2-8

²ܡܲܚܪܲܒ݂ܬܵ‌ܐ ܬܲܚܡܘܼܢܹܐ ܝܠܹܗ ܠܸܫܵܢܘܼܟ݂، ܐܲܝܟ݂ ܡܲܓܪܲܥܬܵ‌ܐ ܚܲܪܝܼܦܬܵ‌ܐ، ܝܵܐ ܥܵܒ݂ܕܵܢܵܐ ܕܦܸܠܡܵܐ.

³ܡܘܼܚܸܒ ܠܘܼܟ݂ ܒܝܼܫܬܵ‌ܐ ܒܘܼܫ ܡ̣ܢ ܛܵܒ݂ܬܵ‌ܐ، ܕܲܓܵܠܘܼܬܵ‌ܐ ܡ̣ܢ ܠܗܲܡܙܘܼܡܹܐ ܙܲܕܝܼܩܘܼܬܵ‌ܐ. ܣܹܠܵܗ

⁴ܡܘܼܚܸܒ ܠܘܼܟ݂ ܟܠܵܝܗ‌ܝ ܗܹܡܸܙܡܵܢܹ̈ܐ ܒܵܠܥܵܢܹ̈ܐ، ܝܵܐ ܠܸܫܵܢܵܐ ܕܦܸܠܡܵܐ.

⁵ܗܵܕܟ݂ܵܐ ܐܲܠܵܗܵܐ ܒܸܬ ܬܵܠܹܚ ܠܘܼܟ݂ ܠܥܵܠܲܡ، ܒܸܬ ܚܵܛܹܦ ܠܘܼܟ݂ ܘܣܵܬܹܪܘܼܟ݂ ܡ̣ܢ ܡܲܫܟܢܘܼܟ݂، ܘܒܸܬ ܥܵܩܹܪܘܼܟ݂ ܡ̣ܢ ܐܲܪܥܵܐ ܕܚܵܝܹ̈ܐ. ܣܹܠܵܗ

⁶ܘܒܸܬ ܚܵܙܝܼ ܙܲܕܝܼܩܹ̈ܐ ܘܒܸܬ ܙܵܕܥܝܼ، ܘܥܲܠܘܼܗ‌ܝ ܒܸܬ ܓܵܚܟܝܼ، ܒܹܐܡܵܪܵܐ:

⁷”ܗܵܐ، ܓܲܒ݂ܪܵܐ ܕܠܹܐ ܥܵܒܹܕ ܠܹܗ ܐܲܠܵܗܵܐ ܩܲܠܥܹܗ، ܐܸܠܵܐ ܡܘܼܬܸܒ݂ ܠܹܗ ܣܲܒ݂ܪܹܗ ܒܦܸܪܝܘܼܬܵ‌ܐ ܕܥܘܼܬܪܹܗ، ܘܚܘܼܠܸܢܹܗ ܒܫܲܗܘܲܬܬܹܗ ܡܲܚܪܸܒ݂ܵܢܬܵ‌ܐ.“

⁸ܐܝܼܢܵܐ ܐܵܢܵܐ، ܐܲܝܟ݂ ܙܲܝܬܵ‌ܐ ܩܝܼܢܵܐ ܝܘܸܢ ܓܵܘ ܒܲܝܬܵ‌ܐ ܕܐܲܠܵܗܵܐ، ܡܘܼܬܸܒ݂ ܠܝܼ ܣܲܒ݂ܪܝܼ ܒܛܲܝܒܘܼܬܵ‌ܐ ܕܐܲܠܵܗܵܐ ܠܥܵܠܲܡ ܥܵܠܡܝܼܢ.