ܡܙܡܘܪ̈ܐ 141:1-10

¹ܝܵܐ ܡܵܪܝܵܐ، ܩܪܹܐ ܠܝܼ ܐܸܠܘܼܟ݂، ܡܲܠܝܸܙ ܠܟܸܣܠܝܼ، ܗܲܒ݂ܠܔ ܢܵܬܵ‌ܐ ܠܩܵܠܝܼ ܟܲܕ ܩܵܪܹܝܢ ܐܸܠܘܼܟ݂.

²ܗܵܘܝܵܐ ܨܠܘܿܬ‌ܝܼ ܐܲܝܟ݂ ܒܸܣܡܵܐ ܩܲܕܡܘܼܟ݂، ܡܲܪܲܡܬܵ‌ܐ ܕܐܝܼܕܵܬ‌ܝܼ̈ ܐܲܝܟ݂ ܩܘܼܪܒܵܢܵܐ ܕܪܲܡܫܵܐ.

³ܝܵܐ ܡܵܪܝܵܐ، ܡܲܬܸܒ݂ ܢܛܵܪܬܵ‌ܐ ܠܦܘܼܡܝܼ، ܢܛܘܿܪ ܠܬܲܪܥܵܐ ܕܣܸܦܘܵܬ‌ܝܼ̈.

⁴ܠܵܐ ܫܵܒ݂ܩܹܬ ܦܵܬܹܠܔ ܠܸܒܝܼ ܠܗܹܡܸܙܡܵܢ ܒܝܼܫܬܵ‌ܐ، ܠܸܥܒ݂ܵܕܵܐ ܥܒ݂ܵܕܹ̈ܐ ܒܪܲܫܝܼܥܘܼܬܵ‌ܐ، ܥܲܡ ܦܵܠܚܵܢܹ̈ܐ ܕܥܵܘܠܵܐ، ܘܠܵܐ ܫܵܒ݂ܩܹܬ ܐܵܟ݂ܠܹܢ ܡ̣ܢ ܛܲܥܡܵܬܵܝ̈ܗ‌ܝ.

⁵ܫܒ݂ܘܿܩ ܡܵܚܹܐ ܠܝܼ ܙܲܕܝܼܩܵܐ، ܛܲܝܒܘܼܬܵ‌ܐ ܝܠܵܗ̇ ܐܵܗܵܐ، ܘܡܲܢܟܸܣ ܠܝܼ، ܡܸܫܚܵܐ ܕܪܹܝܫܵܐ ܝܠܹܗ، ܠܵܐ ܡܲܚܦܸܠܔ ܪܹܝܫܝܼ، ܒܗ̇ܝ ܕܗܸܫ ܨܠܘܿܬ‌ܝܼ ܕܲܠܩܘܼܒ݂ܠܔ ܕܒܝܼܫܵܬܵܝ̈ܗ‌ܝ ܝܠܵܗ̇.

⁶ܟܲܕ ܦܵܝܫܝܼ ܪܘܼܦܝܹܐ ܒܕܸܦܢܵܬܹ̈‌ܐ ܕܩܵܝܵܐ ܕܲܝܵܢܵܝ̈ܗ‌ܝ، ܒܸܬ ܫܵܡܥܝܼ ܗܹܡܸܙܡܵܢܝܼ̈ ܒܗ̇ܝ ܕܒܲܣܝܼܡܹ̈ܐ ܝܢܵܐ.

⁷ܐܲܝܟ݂ ܛܵܪܝܵܢܵܐ ܕܦܕܵܢܵܐ ܕܛܵܪܹܐ ܠܵܗ̇ ܐܲܪܥܵܐ، ܗܵܕܟ݂ܵܐ ܦܝܼܫ ܠܗܘܿܢ ܒܘܼܪܒܸܙܹܐ ܓܲܪ̈ܡܲܢ ܥܲܠܔ ܦܘܼܡܵܐ ܕܫܝܘܿܠܔ.

⁸ܐܝܼܢܵܐ ܥܲܝܢܝܼ̈ ܐܸܠܘܼܟ݂ ܝܼܢܵܐ، ܝܵܐ ܡܵܪܝܵܐ ܐܲܠܵܗܵܐ، ܒܝܼܘܼܟ݂ ܫܩܝܼܠܔ ܠܝܼ ܓܵܘܣܵܐ، ܠܵܐ ܫܵܒ݂ܩܹܬ ܠܵܗ̇ ܓܵܢܝܼ ܒܠܵܐ ܢܛܵܪܬܵ‌ܐ.

⁹ܢܛܘܿܪܝܼ ܡ̣ܢ ܦܲܚܹ̈ܐ ܕܡܘܼܬܸܒ݂ ܠܗܘܿܢ ܐܸܠܝܼ، ܘܡ̣ܢ ܢܸܫܒ݂ܵܐ ܕܦܵܠܚܵܢܹ̈ܐ ܕܥܵܘܠܵܐ.

¹⁰ܢܵܦܠܝܼ ܪ̈ܲܫܝܼܥܹܐ ܥܲܡ ܚܕܵܕܹ̈ܐ ܒܓܲܪܕܵܝܗ‌ܝ، ܗܲܠܔ ܕܐܵܢܵܐ ܥܵܒ݂ܪܹܢ.