Psalms 141:1-10

¹MAIN Ieowa, i kin likwir won komui, kom kotin madan don ia; kom kotin ereki nil ai, ni ai pan likwir won komui.

²Kom kotin kajampwaleki ai kapakap dueta mairon ijij; o pokadan pa i kat dueta mairon eu ni jautik.

³Main Ieowa, kom kotin jinjila au ai, o pera kil en au ai.

⁴O der kotin kainon on me jued kot monion i, pwe i ender ian me doo jan Kot akan wiada me jued, o i ender ian ir kankan, me re kin iauki.

⁵Me pun amen en kame ia ni a kadek, o kapun ia, pwe iei me pan mau on ia dueta le on mon ai, mepukat i jota pan kan, o i kin kapakap anjau karoj, pwe ren der wiai on ia me jued.

⁶Kalua parail en pijikendi jan pon paip; irail ap pan duki on ai padak o aja, me ir me mau.

⁷Duen amen pan wera pajan jap, iduen ti ’t akan, me lokidokila ni kailan wajan mela.

⁸Ari jo, maj ai kin ariri komui, Main ai Kot, i liki komui, kom der kotin kajapokela maur i.

⁹Pera wei jan ia injar, me re kaonop on ia, o jon en men kol ia di ren me morjued akan.

¹⁰Me doo jan Kot akan en pein lodi on arail injar, a nai en dauli.