يَبُرَ 146:2-9

²ﭑ شَ عَ مَتْشْ ﭑ مَ سِمَيَ بِرِن نَ. ﭑ ﭑ مَرِفِ عَلَتَلَ مَتْشْمَ نّ بّيتِ رَ، قَننِ ﭑ نَ ﭑ نِي رَ.

³وٌ نَشَ وٌ يّتّ تَشُ مِشِ شُنفبٍيٍ رَ، بَرِ مَ عَدَ مَدِيٍ نَ عٍ رَ، نَشٍيٍ مُ نْمَ مِشِ رَكِسِدٍ.

⁴عٍ نِي بَمَ نّ عٍ قَتٍ عِ، عٍ فبِلٍن بّندّ. نَ لْشْي يَتِ، عٍ نَشَن حَنِفٍشِ، نَ بِرِن حْنمَ نّ.

⁵سّيوّ نَ مِشِ بّ، يَشُبَ مَرِفِ عَلَ نَشَن مَلِمَ. سّيوّ نَ مِشِ بّ، نَشَن عَ شَشِلِ تِمَ عَ مَرِفِ عَلَتَلَ رَ،

⁶عَلَ نَشَن كٌورٍ نُن بْشِ دَا، عَلَ نَشَن بَا نُن عَ كُي سٍيٍ بِرِن دَا، دُفُتّفّحَ نَ عَلَ نَشَن بّ عَبَدَن.

⁷عَلَتَلَ تْوحّفّتْييٍ شُن مَقَلَمَ، عَ دٌنسٍ قِمَ كَامّتْييٍ مَ، عَ فٍيلِمَنِيٍ رَ مِنِمَ فٍيلِ كُي،

⁸عَ دْنشُييٍ يَ رَبْو مَ، عَ مِشِ مَفٌرٌشِيٍ شُن نَكٍلِمَ، عَ تِنشِنتْييٍ شَنُمَ،

⁹عَ مّينِمَ شْحّيٍ مَ، عَ كِرِدِيٍ نُن كَاحّ فِنّيٍ بُن تِمَ، كْنْ عَ مِشِ حَاشِيٍ تَن شُن نَكَنَمَ نّ.