يَبُرَ 132:8-18

⁸عَلَتَلَ، كٍلِ عِ شَ تَلُ عِ سَبَتِدٍ، عِ تَن نُن عِ شَ سَاتّ كَنكِرَ.

⁹عِ شَ سّرّشّدُبّيٍ شَ لُ شُننَكٍلِ كُي، عِ دُفُتّفّيٍ شَ عٍ سّيوّ شُي رَتٍ.»

¹⁰عِ شَ كٌنيِ دَوُدَ شَ قٍ رَ، عِ نَشَ مّي عِ شَ مَنفّ سُفَندِشِ رَ.

¹¹عَلَتَلَ عَ كَلِ نّ دَوُدَ بّ، مَرَكَلِ نَشَن مُ كَنَمَ، عَ نَشّ، «ﭑ عِ بْنسْي ندٍ نَن دْشْمَ عِ شَ كِبَنيِ مَ.

¹²شَ عِ شَ دِيٍ سَ ﭑ مَ سَاتّ بِنيَ، عٍ ﭑ مَ يَامَرِيٍ رَبَتُ، عٍ شَ دِيٍ قَن لُمَ نّ عِ شَ كِبَنيِ مَ عَبَدَن.»

¹³بَرِ مَ عَلَتَلَ بَرَ سِيٌنِ سُفَندِ، مّننِ نَن نَقَنشِ عَ مَ عَ سَبَتِدٍ رَ.

¹⁴عَ نَشّ، «ﭑ سَبَتِدٍ نَن بٍ رَ عَبَدَن. ﭑ دْشْمَ بٍ ﭑ مَ كِبَنيِ كُي بَرِ مَ بٍ رَقَنشِ ﭑ مَ.

¹⁵ﭑ بَرَكّ سَمَ نّ سِيٌنِكَيٍ مَ، ﭑ بَلٌي قِ عٍ شَ مِسِكِينّيٍ مَ.

¹⁶ﭑ كِسِ قِمَ نّ عٍ شَ سّرّشّدُبّيٍ مَ، عٍ دُفُتّفّيٍ بّيتِ بَمَ نّ سّيوّ كُي.»

¹⁷«بٍ ﭑ دَوُدَ سّنبّ رَكٍلِمَ نّ، ﭑ نَءِيَلَنيِ رَ مِنِمَ نّ ﭑ مَ مِشِ سُفَندِشِ بّ.

¹⁸ﭑ يَافِ دُ سُمَ نّ عَ يَشُييٍ شُن نَ، كْنْ ﭑ نْرّ دُ سُمَ عَ تَن نَن شُن نَ.»