17عِسَ قْشِرَبِرّ تٌنفٌ سٌلٌقٍرٍ عَ نُن قِرِن نَشَ فبِلٍن سّيوّ كُي، عٍ عَ قَلَ عَ بّ، «مَرِفِ، مُشُ نَ يَامَرِ قِ عِ شِلِ رَ، هَلِ حِننّيٍ، عٍ مُشُ شُي رَبَتُمَ.»
18عِسَ نَشَ عَ مَسٍن عٍ بّ، «ﭑ بَرَ سٍنتَنّ تٌ بِرَ رَ كٍلِ كٌورٍ مَ عَلْ سٍيَمَكْنيِ.
19عَ مَتٌ، ﭑ بَرَ نْي قِ وٌ مَ وٌ شَ حّرّ بْشِمَسٍ نُن تَلِ مَ، ﭑ نْي قِ وٌ مَ يَشُي سٍنتَنّ شَ سّنبّ بِرِن شُن. نَ بِرِن كُي، سٍسٍ مُ وٌ تٌمَ.
20كْنْ وٌ نَشَ سّيوَ شّ حِننّيٍ تٌ وٌ شُي رَبَتُمَ. وٌ شَ سّيوَ نّ بَرِ مَ وٌ شِلِ سّبّشِ عَرِيَننَ.»
21نَ وَشَتِ، عِسَ نَشَ سّيوَ عَلَ شَشِلِ سّنِيّنشِ سَابُي رَ، عَ عَ قَلَ، «بَبَ عَلَ، كٌورٍ نُن بْشِ مَرِفِ، ﭑ بَرَ عِ تَنتُ عِ تٌ يِ قٍيٍ نْشُنشِ لْننِلَيٍ نُن شَشِلِمَيٍ مَ، عِ عٍ مَسٍن دِ مّدِيٍ بّ. عِيٌ، ﭑ بَبَ، ﭑ بَرَ عِ تَنتُ بَرِ مَ عِ كّنّن قٍ نَن يَ.»
22«ﭑ بَبَ بَرَ قٍ بِرِن تَشُ ﭑ نَ. مِشِ يٌ مُ عَلَ شَ دِ كٌلٌن، قٌ بَبَ عَلَ. مِشِ يٌ مُ بَبَ عَلَ كٌلٌن، قٌ عَلَ شَ دِ، عَ نُن عَلَ شَ دِ نُ تِن عَ مَسٍندٍ نَشَن بّ.»
23عَ نَشَ عَ يَ رَقِندِ قْشِرَبِرّيٍ مَ، عَ عَ قَلَ عٍ بّ عٍ شَتِ مَ، «سّيوّ نَ مِشِ بّ، نَشَن قٍيٍ تٌمَ وٌ يَ نَشَن تٌشِ!
24ﭑ شَ عَ قَلَ وٌ بّ، نَمِحْنمّ نُن مَنفّ وُيَشِ بَرَ وَ عٍ شَ قٍيٍ تٌ وٌ نَ نَشٍيٍ تٌقٍ، كْنْ عٍ مُ عَ تٌ. عٍ بَرَ وَ عٍ شَ قٍيٍ مّ وٌ نَ نَشٍيٍ مّقٍ، كْنْ عٍ مُ عَ مّ.»
25لْشْ ندٍ، سّرِيّ لْننِلَ ندٍ تٌ نُ وَ مَ عِسَ مَتٌقٍ، عَ نَشَ تِ، عَ عَ قَلَ عَ بّ، «كَرَ مْشْ، عَ لَنمَ ﭑ شَ مُنسٍ رَبَ عَلَكٌ ﭑ شَ عَبَدَن كِسِ سْتْ؟»
26عِسَ قَن نَشَ عَ مَشْرِن، «مُنسٍ سّبّشِ مُنسَ شَ سّرِيّ كُي؟ عِ عَ قَهَامُشِ دِ؟»
لُكِ 10
لُكِ 10:17-26