كْنتِ تِقٍ 23:3-12

³بَلَمِ نَشَ عَ قَلَ بَلَكِ بّ، «عِ شَ لُ بٍ سّرّشّ قّ مَ، ﭑ تَن شَ ﭑ مَكُيَ دٌندٌرٌنتِ. تّمُندٍ عَلَتَلَ قَمَ مِنِدٍ ﭑ مَ. عَ نَشَن يٌ مَسٍن ﭑ بّ، ﭑ عَ قَلَمَ عِ بّ.» بَلَمِ تٌ تٍ فٍيَ ندٍ قَرِ،

⁴عَلَتَلَ نَشَ مِنِ عَ مَ. بَلَمِ نَشَ عَ قَلَ عَ بّ، «ﭑ بَرَ سّرّشّبَدٍ سٌلٌقٍرٍ يَءِلَن، ﭑ يّشّي كٌنتٌنيِ كٍرٍن نُن تُورَ كٍرٍن نَن بَشِ عَ بِرِن كٍرٍن كٍرٍن قَرِ.»

⁵عَلَتَلَ نَشَ مَسٍنيِ قِ بَلَمِ مَ عَ نَشَن مَسٍنمَ. عَ نَشَ عَ يِتَ عَ بّ، «سِفَ بَلَكِ يِرٍ، عِ شَ يِ مَسٍنيِ تِ عَ بّ.»

⁶بَلَمِ نَشَ فبِلٍن بَلَكِ يِرٍ، عَ عَ لِ عَ تِشِ عَ شَ سّرّشّ قّ مَ، عَ تَن نُن مٌوَبَ كُنتِفِيٍ.

⁷بَلَمِ نَشَ عَ شَ مَسٍنيِ تِ يِ كِ، «بَلَكِ نَن قَشِ ﭑ نَ كٍلِقٍ سِرِيَ. مٌوَبَ مَنفّ نَن ﭑ شِلِشِ، كٍلِقٍ سٌفٍتٍدٍ فٍيَيٍ كْن نَ. ‹قَ، يَشُبَ بْنسْي دَنكَ ﭑ بّ! عِ شَ شْنّ رَدِن عِسِرَيِلَ مَ!›

⁸ﭑ نْمَ مِشِ دَنكَدٍ دِ، عَلَتَلَ مُ نَشَن دَنكَشِ؟ ﭑ نْمَ شْنْدٍ مِشِ مَ دِ، عَلَ مُ شْنْشِ نَشَن مَ؟

⁹ﭑ عٍ تٌمَ كٍلِقٍ فٍيَ كْن نَ، كٍلِ يِرٍ عِتٍشِ. حَمَ نَن عَ رَ، نَشَن لُمَ عَ شَتِ مَ، نَشَن تَفِ رَ سَمَ عٍ نُن سِ فبّتّيٍ رَ.

¹⁰ندٍ نْمَ يَشُبَ بْنسْي كْنتِدٍ، كْنتِ نَشَن دَنفِمَ مّيّنيِ كْنتِ رَ؟ عٍ نُ عِسِرَيِلَ حَمَ عِتَشُن دْشْدٍ نَانِ رَ، ندٍ نْمَ عَ سّيتِ كٍرٍن يَتِ كْنتِدٍ؟ عَلَ شَ ﭑ مَلِ ﭑ شَ عَلِفِيَمَ لِ تِنشِنيِ كُي. عَلَ شَ ﭑ مَلِ ﭑ شَ مَنِيَ عٍ رَ ﭑ مَ سَيَ كُي.»

¹¹بَلَكِ نَشَ عَ قَلَ بَلَمِ بّ، «عِ مُنسٍ رَبَشِ ﭑ نَ يِ كِ؟ ﭑ عِ رَقَشِ نّ ﭑ يَشُييٍ دَنكَدٍ، كْنْ عِ تَن نَ دُبَقٍ عٍ بّ.»

¹²بَلَمِ نَشَ عَ يَابِ، «عَلَتَلَ نَ مَسٍنيِ نَشَن سَ ﭑ دّ عِ، ﭑ مُ لَن ﭑ شَ نَ قَلَ؟»