عِسِرَيِلَ مَنفّيٍ ١ 20:25-35

²⁵عِ شَ سْورِ فبّتّيٍ قٍن سْورِ قَشَشِيٍ حْشْي رَ، عِ شَ سٌي نُن سْورِ رَفِسٍيٍ قٍن عَ كَنَشِيٍ حْشْي رَ. نَ تّمُي، وٌن مَن سِفَمَ عٍ فٍرٍدٍ قِلِ نَن مَ، وٌن قَمَ نّ نْدٍ عٍ رَ عَ قَنيِ رَ.» مَنفّ نَشَ نَ بِرِن نَبَ، عَلْ عٍ عَ قَلَ عَ بّ كِ نَشّ.

²⁶نَ حّ عِفبِلٍنيِ، بٍن هَدَدَ نَشَ عَ شَ سْورِيٍ مَلَن، عَ عٍ شَنِن عَقٍكِ بِرِ رَ، عٍ شَ عِسِرَيِلَ فٍرٍ.

²⁷عِسِرَيِلَكَيٍ قَن نَشَ عٍ شَ سْورِيٍ مَلَن، عٍ قَندّ سْتْ، عٍ سِفَ عٍ رَلَندٍ. عِسِرَيِلَكَيٍ تٌ يٌنكِن عَرَ مِ حَمَ يَ عِ، عٍ لُ نّ عَلْ سِ فْورّ لَنمَدِ قِرِن عَرَ مِكَيٍ شَ فبٌي شَ قٍ رَ.

²⁸عَلَ شَ مِشِ نَشَ عَ مَسٌ عِسِرَيِلَ مَنفّ رَ، عَ عَ مَسٍن عَ بّ، «عَلَتَلَ شُي نَن يِ كِ؛ عَرَ مِكَيٍ تٌ عَ قَلَ عَ عَلَتَلَ سّنبّ فبٌ فٍيَ نَن قَرِ عَ مُ قِندِشِ عَلَ رَ قِلِ تَن مَ، ﭑ عٍ سَمَ نّ عِ سَفٌي، عَلَكٌ عِ شَ عَ كٌلٌن ﭑ تَن نَن عَلَتَلَ رَ.»

²⁹عٍ نَشَ يٌنكِن عٍ بٌورٍ يَ عِ شِ سٌلٌقٍرٍ بُن مَ. نَ تّمُي فٍرٍ نَشَ قْلْ، عِسِرَيِلَكَيٍ قَ عَرَ مِ سْورِيٍ مِشِ وُلُ كّمّ قَشَ.

³⁰عَ دْنشْييٍ نَشَ مِنِ عٍ فِ رَ عَقٍكِ تّتّ كُي، كْنْ تّتّ قَن يَتِ نَشَ بِرَ عٍ مَ، عَ مِشِ وُلُ مْشْحّن نُن سٌلٌقٍرٍ قَشَ. بٍن هَدَدَ تَن نُ بَرَ عَ فِ، عَ سَ عَ نْشُن كٌنكٌي ندٍ كُي.

³¹عَ شَ سْورِيٍ نَشَ عَ قَلَ عَ بّ، «مُشُ عَ مّ نّ، عَ عِسِرَيِلَكَيٍ شَ مَنفّيٍ بْحّ قَن. مُشُ شَ بّكِ دُفِ شِرِ مُشُ تَفِ، مُشُ شَ لُوتِ شِرِ مُشُ شُنيِيٍ سُننُنيِ تْنشُمَ رَ، مُشُ شَ مُشُ يّتّ دّنتّفّ عِسِرَيِلَ مَنفّ بّ. تّمُندٍ عَ دِحّمَ عِ قَشَقٍ مَ.»

³²عٍ نَشَ بّكِ دُفِ شِرِ عٍ تَفِ، عٍ لُوتِيٍ شِرِ عٍ شُنيِيٍ سُننُنيِ تْنشُمَ رَ، عٍ قَ عٍ يّتّ دّنتّفّ عِسِرَيِلَ مَنفّ بّ، عٍ قَ عَ قَلَ، «عِ شَ كٌنيِ بٍن هَدَدَ بَرَ عِ مَيَندِ عِ نَشَ عَ قَشَ.» عَكَبُ نَشَ عٍ يَابِ، «عَ مَن بَلٌشِ؟ ﭑ نفَشَكٍرٍنيِ نَن عَ رَ.»

³³نَ مِشِيٍ تٌ نَ مّ، عٍ نَشَ عَ مَحْشُن قٍ قَنيِ نَ عَ رَ. عٍ نَشَ مَنفّ يَابِ، «عِيٌ، بٍن هَدَدَ عِ نفَشَكٍرٍنيِ نَن عَ رَ!» عَكَبُ نَشَ عٍ يَمَرِ، «وٌ سَ قَ عَ رَ.» بٍن هَدَدَ نَشَ مِنِ عَ نُ نَ دّننَشّ، عَ سِفَ عَكَبُ يِرٍ. عَكَبُ نَشَ عَ بَكِ عَ شَ سْورِ رَفِسٍ كُي.

³⁴بٍن هَدَدَ نَشَ عَ قَلَ عَ بّ، «ﭑ تَايٍ رَفبِلٍنمَ نّ عِ مَ، ﭑ بَبَ نَشٍيٍ بَ عِ بَبَ يِ رَ. عِ نْمَ عِ شَ مَكِتِ تِدٍ دَ مَسِ، عَلْ ﭑ بَبَ فبٍ تٌ نُ نَ سَمَرِ.» عَكَبُ نَشَ عَ قَلَ عَ بّ، «وٌن شَ سَاتّ شِرِ، ﭑ قَ عِ بّحِن.» عٍ تٌ سَاتّ شِرِ، عَ نَشَ عَ بّحِن.

³⁵نَمِحْنمّ ندٍ نَشَ عَ قَلَ عَ حّرّ بٌورٍ بّ عَلَتَلَ شُي رَ، «ﭑ بْنبْ.» كْنْ عَ حّرّ بٌورٍ مُ تِن عَ بْنبْدٍ.