رْ مَ 5:3-21

³دَنفِ نَ قَن نَ، وٌن مَن سّيوَ مَ وٌن مَ تْورّ كُي، بَرِ مَ وٌن عَ كٌلٌن عَ تْورّ دُلُشْتْيَ نَن نَمِنِمَ.

⁴وٌن مَ تُننَبّشِ قَن عَ نِيَمَ نّ وٌن شَ يُفٍ قَنيِ سْتْ نَشَن عَلَ كّنّنمَ. نَ يُفٍ مْولِ قَن عَ نِيَمَ نّ وٌن شَ وٌن شَشِلِ تِ عَلَ رَ.

⁵وٌن مَن مُ يَافِمَ وٌن شَشِلِ تٌ تِشِ عَلَ رَ، بَرِ مَ عَلَ بَرَ عَ شَ شَنُنتٍيَ شّلّ وٌن بْحّ كُي عَ شَشِلِ سّنِيّنشِ سَابُي رَ عَ بَرَ نَشَن قِ وٌن مَ.

⁶وَشَتِ تٌ كَمَلِ، وٌن سّنبّ يٌ مُ نُ نَ تّمُي نَشّ، عَلَ شَ مِشِ سُفَندِشِ نَشَ قَشَ يُنُبِتْييٍ بّ.

⁷عَ شْرْشْ كِ قَنيِ مِشِ دِحّقٍ عَ نِي مَ تِنشِن مِشِ شَ قٍ رَ. كْنْ تّمُندٍ، مِشِ ندٍ قَن نْمَ لِمَنِيَدٍ عَ شَ قَشَمِشِ قَنيِ ندٍ بّ.

⁸كْنْ عَلَ عَ شَ شَنُنتٍيَ مَسٍنشِ وٌن بّ يِ نَن نَ؛ وٌن نُ قِندِشِ يُنُبِتْييٍ رَ تّمُي نَشّ، عَلَ شَ مِشِ سُفَندِشِ نَشَ دِحّ عَ نِي مَ وٌن مَ قٍ رَ.

⁹نَ كُي، وٌن تٌ بَرَ قِندِ تِنشِنتْييٍ رَ عَلَ يَ عِ عِسَ شَ سّرّشّ سَابُي رَ، وٌن شَ عَ كٌلٌن عَ مَن مُ تَفَنمَ وٌن نَكِسِدٍ عَلَ شَ فبَلٌي مَ.

¹⁰بَرِ مَ وٌن نُ قِندِشِ عَلَ يَشُييٍ رَ تّمُي نَشّ، عَ شَ دِ شَ قَشّ سَابُي نَشَ وٌن تَفِ يَءِلَن، يَكْسِ وٌن نُن عَلَ تَفِ تٌ بَرَ يَءِلَن، وٌن عَ كٌلٌن عَ وٌن نَكِسِمَ نّ عَ شَ دِ شَ كِسِ سَابُي رَ.

¹¹نَ مَن قَرِ، وٌن سّيوَشِ نّ عَلَ رَ عَ شَ مِشِ سُفَندِشِ مَرِفِ عِسَ سَابُي رَ، نَشَن بَرَ وٌن نُن عَلَ تَفِ يَءِلَن.

¹²نَ كُي، يُنُبِ نَشَ سٌ دُنِحَ مِشِ كٍرٍن سَابُي رَ. قَشّ قَن نَشَ سٌ دُنِحَ يُنُبِ شَ قٍ رَ، عَ دِن مِشِ بِرِن نَ بَرِ مَ عَدَ مَدِيٍ بِرِن بَرَ يُنُبِ رَبَ.

¹³يُنُبِ نُ نَ دُنِحَ مَ بٍينُن عَلَ شَ عَ شَ سّرِيّ قِ عَننَبِ مُنسَ مَ، كْنْ شَ سّرِيّ مُ نَ، يُنُبِ قَن مُ نَ مِشِ يٌ مَ.

¹⁴كْنْ قَشّ تَن نُ نَ دُنِحَ مَ، كٍلِ وٌن بٍنبَ عَدَ مَ مَ هَن عَننَبِ مُنسَ، هَلِ نَ مِشِيٍ شَ يُنُبِ تٌ مُ نُ لُشِ عَلْ وٌن بٍنبَ عَدَ مَ فبٍ نَشَن عَلَ شُي يَتِ مَتَندِ. عَدَ مَ نُ مِسَالِشِ مِشِ نَن نَ نَشَن نُ قَقٍ.

¹⁵كْنْ عَلَ وٌن كِشِ نَشَن نَ، نَ نُن بٍنبَ عَدَ مَ شَ يُنُبِ كٍرٍن مُ عَ رَ. عِيٌ، عَدَ مَدِ فبٍفبٍ قَشَشِ يِ مِشِ كٍرٍن شَ يُنُبِ نَن سَابُي رَ، كْنْ عَلَ شَ هِننّ دَنفِ نَ رَ كِ قَنيِ، بَرِ مَ عَ عَدَ مَدِيٍ كِشِ عَ شَ مِشِ سُفَندِشِ عِسَ نَشَن نَ، نَ بَرَ مِشِ فبٍفبٍ رَكِسِ عَ شَ هِننّ سَابُي رَ.

¹⁶عَدَ مَ شَ يُنُبِ نُن عَلَ عَدَ مَدِيٍ كِشِ نَشَن نَ، عٍ قْشِ تَفِ عِكُيَ. مِشِ كٍرٍن شَ يُنُبِ تٌ مَكِيتِ، فبَلٌي نَن قَ. كْنْ عَلَ عَدَ مَدِيٍ كِشِ نَشَن نَ، عَ قَ مِشِ فبٍفبٍ شَ يُنُبِ رَبَ شَنبِ نّ، عَ قَ قّيرّ رَ مِشِ مَتِنشِنمَ كِ نَشّ عَلَ يَ عِ.

¹⁷مِشِ كٍرٍن شَ يُنُبِ رَبَ نَشَ عَ نِيَ قَشّ شَ نْ دُنِحَ رَ، كْنْ عَلَ شَ مِشِ سُفَندِشِ عِسَ وَلِ قْشِ دَنفِ نَ رَ ثٌن! عَدَ مَدِيٍ نَشٍيٍ بَرَ عَلَ شَ هِننّ سْتْ نَشَن دَندٍ مُ نَ، عَ نُن عَ شَ تِنشِنيِ عَ وٌن كِشِ نَشَن نَ، نٍيٍ نْي سْتْمَ كِسِ كُي مِشِ كٍرٍن نَن سَابُي رَ، نَشَن قِندِ عَلَ شَ مِشِ سُفَندِشِ عِسَ رَ.

¹⁸نَ كُي، مِشِ كٍرٍن شَ يُنُبِ نَشَ عَ نِيَ عَدَ مَدِيٍ بِرِن شَ لُ يُنُبِ شَ فبَلٌي بُن مَ، كْنْ مِشِ كٍرٍن شَ وَلِ تِنشِنشِ نَن مَن تِنشِنيِ نُن كِسِ قِمَ عَدَ مَدِيٍ بِرِن مَ.

¹⁹عَلْ مِشِ كٍرٍن تٌ عَلَ شَ يَامَرِ مَتَندِ، عَدَ مَدِ بِرِن نَشَ قِندِ يُنُبِتْييٍ رَ نَ مِشِ كٍرٍنيِ سَابُي رَ، عَدَ مَدِ فبٍفبٍ مَن قِندِ مَ تِنشِنتْييٍ رَ عَلَ يَ عِ مِشِ كٍرٍن نَن قَن سَابُي رَ عَ تٌ عَلَ شَ يَامَرِ رَبَتُ.

²⁰سّرِيّ قِ نّ يُنُبِ شَ فبٌ. كْنْ يُنُبِ تٌ فبٌ، عَلَ شَ هِننّ نَشَ فبٌ كِ قَنيِ دَنفِ نَ رَ!

²¹نَ كُي، يُنُبِ شَ نْي قِندِشِ قَشّ نَن نَ، كْنْ عَلَ شَ هِننّ شَ نْي قِندِ مَ تِنشِنيِ نَن نَ عَلَكٌ مِشِ شَ كِسِ عَبَدَن. نَ بِرِن نَبَمَ وٌن مَرِفِ عِسَ نَن سَابُي رَ، عَلَ شَ مِشِ سُفَندِشِ.