تَالِيٍ 28:2-26

²مَنفّ دِيٍ وُيَ حَمَ مَتَندِلَ يَ مَ، كْنْ مَنفّ شَشِلِمَ قَتَ حَمَ رَشَندٍ.

³سٍتَرٍ نَشَن عَ بٌورٍ سٍتَرٍيٍ تْورْ مَ، نَ مَنِيَ تُنّ وُندٍ رَ نَشَن شّ كَنَمَ.

⁴سّرِيّ مَتَندِ مِشِ حَاشِ مَتْشْمَ نّ، سّرِيّ رَبَتُي تَن شْنْمَ نّ مِشِ كٌبِ مَ.

⁵مِشِ حَاشِيٍ مُ سّرِيّ كٌلٌن، كْنْ عَلَتَلَ قٍنمَيٍ عَ قَهَامُمَ نّ عَ قَنيِ رَ.

⁶سٍتَرٍ تِنشِنشِ قِسَ بَننَ تِنشِنتَرٍ بّ.

⁷سّرِيّ بَتُلَ قِندِشِ دِ شَشِلِ قَنيِ نَن نَ، كْنْ وَ سَتَرٍ تَن عَ بَبَ رَيَافِمَ نّ.

⁸مِشِ نَشَن عَ شَ نَاقُلِ شُن مَسَمَ رِبَ رَ، عَ شَ بَننَيَ فبِلٍنمَ نّ كِنِكِنِنتٍ مَ.

⁹مِشِ نَشَن تٌندِ مَ عَ تُلِ مَتِدٍ سّرِيّ رَ، عَلَ مُ عَ شَ دُبَ سُشُمَ قٍوٌ.

¹⁰مِشِ نَشَن تِنشِنتْييٍ رَتَنتَنمَ، عَ بِرَ مَ عَ يّتّ كَن شَ فَنتَنيِ نَن كُي، تِنشِنتْي تَن قَ كّ قَنيِ سْتْدٍ.

¹¹بَننَ مِشِ حْشْ عَ مَ عَ شَ لْننِ فبٌ، كْنْ سٍتَرٍ شَشِلِمَ نْمَ نّ نَ كَنيِ رَ.

¹²تِنشِنتْييٍ شُن نَ رَكٍلِ، حَمَ حّلّشِنمَ نّ، كْنْ تِنشِنتَرٍ شُن نَ رَكٍلِ، حَمَ عَ نْشُنمَ نّ.

¹³مِشِ نَشَن عَ شَ يُنُبِيٍ نْشُنمَ، عَ شَ قٍ مُ سْونّيَمَ، كْنْ مِشِ نَشَن عَ تِمَ عَ شَ يُنُبِيٍ رَ، عَ فبِلٍن عٍ قْشْ رَ، عَلَ كِنِكِنِمَ عَ مَ.

¹⁴سّيوّ نَ مِشِ بّ نَشَن فَاشُمَ عَلَ يَ رَ، كْنْ بْحّ شْرْشْي كَنيِ لُمَ تْورّ نَن كُي.

¹⁵مِشِ حَاشِ نَشَن حَمَ سٍتَرٍ يَمَرِ مَ، عَ لُشِ نّ عَلْ يّتّ مَفَاشُشِ نُن وُلَءِ سُبٍ شَاحّ.

¹⁶مَنفّ شَشِلِتَرٍ مِشِ تْورْ مَ نّ، كْنْ مَنفّ نَشَن نَاقُلِ تِنشِنتَرٍ شْنمَ، نَ سِمَيَ شْنكُيٍ سْتْمَ نّ.

¹⁷مِشِ نَشَن عَ كٌلٌن عَ بْحّ كُي عَ قَشّ تِشِ، نَ لُمَ عَ فِ رَ نّ هَن عَلِفِيَمَ. مِشِ يٌ نَشَ نَ كَنيِ مَلِ.

¹⁸مِشِ نَشَن حّرّ مَ تِنشِنيِ رَ، نَ كِسِمَ نّ، كْنْ قِلَنكَقُي تَن بِرَ مَ نّ كٍرٍنيِ رَ.

¹⁹مِشِ نَشَن عَ شَ بْشِ رَوَلِمَ، نَ بَلٌي سْتْمَ نّ، كْنْ نَشَن بِرَ مَ قٍ قُقَقُ قْشْ رَ، نَ سٍتَرٍحَ نَن سْتْمَ.

²⁰مِشِ دُفُتّفّشِ بَرَكّ سْتْمَ نّ، كْنْ نَشَن فبَتَمَ بَننَيَ رَ، عَ حَشَنكَتَمَ نّ.

²¹عَ مُ لَن مِشِ شَ مِشِ رَقِسَ عَ بٌورٍ بّ، كْنْ مِشِ ندٍ قٍ حَاشِ رَبَمَ تَامِ شُنتُنيِ شَ قٍ رَ.

²²مِلَنتٍ فبَتَمَ بَننَيَ رَ، كْنْ عَ مُ عَ كٌلٌن عَ تْورّ نَن تُن سْتْمَ.

²³مِشِ نَشَن مَرَ سِ شْرْشْي قِمَ مِشِ ندٍ مَ، نَ هِننّ نَن سْتْمَ دَنفِقٍ مِشِ رَ نَشَن لُمَ وْيّن حْشُنمّ فبَنسَن قَلَ رَ مِشِيٍ بّ.

²⁴مِشِ نَشَن عَ بَبَ نُن عَ نفَ مُحَمَ، عَ قَ عَ قَلَ «عَ مُ حَاشُ،» نَ بَرَ قِندِ كَسَرَتِ رَ.

²⁵مِشِ نَشَن مِلَمَ هَرِفٍ مَ، نَ قِندِ مَ فٍرٍ سٌي نَن نَ، كْنْ نَشَن بَرَ عَ يّتّ تَشُ عَلَتَلَ رَ، نَ حَن بَرَ هّيرِ فبٍفبٍ سْتْ.

²⁶مِشِ نَشَن لَشِ عَ يّتّ كَن شَشِلِ رَ، نَ بَرَ قِندِ شَشِلِتَرٍ رَ، كْنْ مِشِ نَشَن حّرّ مَ شَشِلِ قَنيِ رَ، نَ كَنيِ كِسِمَ نّ.