РЫМЛЯНАЎ 7:16-25

¹⁶А калі раблю тое, чаго не хачу, дык згаджаюся з законам, што ён добры,

¹⁷а таму ўжо ня я раблю тое, а грэх, які жыве ўва мне.

¹⁸Бо ведаю, што ня жыве ўва мне, гэта значыцца, у плоці маёй, добрае; бо жадаць дабра я магу, а рабіць яго - не.

¹⁹Добрага, якога хачу, не раблю, а ліхое, якога не хачу, раблю.

²⁰А калі раблю тое, чаго не хачу, дык ужо ня я раблю тое, а грэх, які жыве ўва мне.

²¹Дык вось, я знаходжу закон: што, калі хачу рабіць добрае, ува мне сядзіць благое;

²²бо ва ўнутраным чалавеку я маю задавальненьне ад закона Божага,

²³а ў чэлесах маіх бачу іншы закон, які ваюе супроць закона розуму майго і робіць мяне палонным закона грахоўнага, які ў чэлесах маіх.

²⁴Няшчасны я чалавек! хто вызваліць мяне ад гэтага цела сьмерці?

²⁵Дзякую Богу (майму) празь Ісуса Хрыста, Госпада нашага. Дык вось, сам я служу розумам закону Божаму, а плоцьцю - закону грахоў.