ROMUDEENƆ 7:16-25

¹⁶Tó yã kɛ̀ má kɛ̀ e kↄ̃ sɛ́ kↄ̃n ma pↄyeziyãoro, ma we kɛ̀ doka pì maa.

¹⁷Èe kɛ mámbe mɛ́ɛ kɛɛro, durun kɛ̀ kú ma guumɛ.

¹⁸Má dↄ̃ kɛ̀ yã maaa kú ma guuro, ma dà maaro. Mɛɛ̀gↄ̃ yezi mà yã maaa kɛ, mↄde mɛɛ̀ fↄ̃ mà kɛro.

¹⁹Yã maaa kɛ̀ má yezi mà kɛ, mɛɛ̀ kɛro. Yã zaaa kɛ̀ má yeziroon mɛɛ̀ kɛ.

²⁰Tó yã kɛ̀ má yeziroon mɛ́ɛ kɛɛ, èe kɛ mámbe mɛ́ɛ kɛɛro, durun kɛ̀ kú ma guumɛ.

²¹Má è tó má yezi mà à maaa kɛ, à zaaa bé è dↄmɛ aɛ.

²²Luda doka bé è kɛmɛ nna ma swɛ̃̀ guu,

²³mↄde má è iko pãndee kú ma mɛ̀ guu, ègↄ̃ zĩ̀ kaa kↄ̃n iko kɛ̀ kú ma laasuu guuo, ben má na durun iko kɛ̀ kú ma mɛ̀ guu pì ↄzĩ.

²⁴Mamↄma wɛ̃ndade ina, dé bé eé ma sí ma mɛ̀ kɛ̀ ma kpa gaazi kɛ̀ ↄzĩi?

²⁵Ma sáabu kɛ̀ kↄ̃n Ludao! Kↄ̃n wa Dii Yesu Kirisi gbãaao. Lɛn má dɛ zↄ̀ ũ Luda dokanɛ ma laasuu guu lɛ, bensↄ̃ má dɛ zↄ̀ ũ durun ikonɛ ma dà guu.