Än Salomon Fos 6:1-8

¹Ifa usun, nei, ka pwon pwe kopwe mönätiu än chon arum liwinimang, ika ka ngeni eman chon ekis asisilen om pwon?

²Ifa usun, ka tup ren mine ka eäni pwon, ika oo ren om kapas?

³Mürin kopwe föri ei, pwe kopwe püsin amanauok, pun ka tolong fän nemenien chon arum: Kopwe müttir feila ren chon arum o tüngormau ngeni pwe epwe angasok.

⁴Kosap amöürü mesom, kosap pwal ächikichik.

⁵Kopwe amanauok usun eman chia a amanaua, lupwen a sü seni ewe chon likapich, ika usun eman machang a ässila seni lepöün ewe chon sär.

⁶Kopwe feila ren ekewe molus, en chon chipwang. Kopwe ekieki usun ar angang pwe kopwe tipachemela.

⁷Esap wor ar samol, esap pwal wor ar meilap ika ar sounemenem,

⁸nge ra amolätä ener lon fansoun pwichikar o ionifengeni ener mongö lon fansoun räs.