Än Salomon Fos 25:18-22

¹⁸Eman aramas mi eäni kapas chofana usun chon arun a usun chök efoch nifötüföt, ika efoch ketilas, ika efoch föün esefich mi ken.

¹⁹Ach apilükülükü eman aramas, esap allükülük lon fansoun osukosuk, a usun chök efoch ngi man ra eni, ika efoch peche mi ter.

²⁰Eman aramas mi köl ngeni eman mi weires letipan a usun chök eman mi angei seni üfan lon fansoun patapat, pwal usun eman mi uwalong salt lon eu kinas.

²¹Are chon oputom a echik, kopwe amongöü, nge are a kaka, kopwe aünü,

²²pun are ka föri iei usun, säw epwe küri usun ekkei a kürikich, nge ewe Samol mi Lapalap epwe ngonuk liwinin.