Pwovèb 25:18-22

¹⁸Yon moun k'ap mache bay manti sou moun, se tankou yon makak chaplèt, yon nepe, yon flèch byen pwenti. Li ka touye ou.

¹⁹Jou malè, si ou mete konfyans ou sou moun trèt, se tankou si ou vle mòde ak dan pouri, osinon kouri sou pye foule.

²⁰Chante mereng pou yon moun ki nan lapenn, se tankou moun ki wete tout rad sou li nan fredi, se tankou si ou prije sitwon sou yon malenng.

²¹Si lènmi ou grangou, ba li manje. Si li swaf dlo, ba li dlo pou l' bwè.

²²Lè sa a, w'a fè l' wont anpil. Seyè a va rekonpanse ou.