Zinama Tumatumae 24:5-17

⁵Na tie gilae si nomana nana ṉiniraṉira, meke sa tie tumatumae si ṉiṉira hola la tu;

⁶pude la pa vinaripera si kaqu ta totolie si agoi, ba pana soku tie si vari tokae pa binalabala si koa sa minataqara.

⁷Sa ginilagilana lohina si ululu hola koasa tie pekipeki; ke pa vinarigara palabatu si loke nana zinama si asa.

⁸Asa pu balabala hata kinaleana si kote ta pozae na tie sekesekei.

⁹Sari hiniva tomedi pude tavete va kaleana si na sinea, meke na tie va gugue si ta hakohakoedi pa tie.

¹⁰Pana malohoro si goi pa totoso tasuna, si hitekena mo sa mua ṉiniraṉira.

¹¹Harupi si arini pu korapa ta turaṉa la pa minate; tuqe pule vagi sarini pu korapa tedeve la pude ta seke va mate.

¹²Pana zama si goi, “Ba lopu na qua ginugua si hie,” gua. Ba Tamasa tumae ni sari bulo tie meke dogorigo Nana. Asa pu kopu nia sa mua tinoa si gilanigo tugo Nana. Kote pia igo Sa luli gua koari na mua tinavete.

¹³Tuqu, mu hena zipale sina leana si asa; na namu zipale si lomoso pa mea.

¹⁴Mamu gilania tugo sapu sa ginilagilana lohina si lomoso pa maqomaqomu; pana dogoria goi, si na mua lineana vugo repere si asa, meke sa mua lineana asa si lopu kaqu ta kumata palae.

¹⁵Mu lopu la opo tome pa kali vetu tanisa tie toṉoto, lopu la hiko ia sa vasina tanisa;

¹⁶ura be ka zuapa totoso si hoqa sa tie toṉoto, ba kote turu sage pule nana, ba sa tie kaleana si lopu kote tekulu pule mudina sa tinasuna.

¹⁷Mu lopu qetu pana hoqa sa mua kana; pana ta tubarae si asa, si mu lopu va qetua sa bulomu,